صائدة الخواطر :

السلام عليكم ورحمة الله وبركاته مقلوبة الكفته بالرز: اول شى نحضر اللحمه وهى لحم مفروم وبصله وحبة ثومه مهروسه وبقدونس وكسبره وحبة طماطم مقطعه ناعم وبهارات وفلفل اسود وملعقه صغيرخ ثوم بودره وملح نعجنه مع بعض كويس ثم نكورهم كور ضغيره ونضعها في الفريزر لعشان تتماسك اكثر وماتنفك معك اثناء القلي وترى ماتاخذوقت كثير بس لما تسوى الرز وطريقته هي اغسلى الرز ثم ضعيه في القدر واضيفي له الملح والماء الحار ثم غطى عليه وقصرى عنه لاخر شى نرجع لللحمه نحضر الطاوه ونضع فيها ربع اصبع زبده ثم نرص في الطاوه حبات الكفته وقصري على النار لعشانه تستوي بسرعه واحنا اصلا نبغاها تتحمر بس ثم قلبيها بشويش بالملعقه حبه حبه لحد ماتتحمر كل الكميه خليها علي جنب لما يستوي الرز تماما نجى للمرحله الاهم جيبى قدر وضعي قليل من الزيت وقلبي فيه حلقات البصل ثم الفلفل الاخضر ثم حلقلت الطماطم وبعد ان تذبل الطماطم ضعى ملعة ابهارات وملح والفلفل الاسود وملعقه كبيره معجون الطماطم ومقدارفنجان الشاهي ماء ثم رصي حبات الكفته عليها ثم ضعى الرز فوقهم وساوي السطح بالملعقه وضعي ملون الطعام الصفر بعد اذابته في قليل من الماء فوق الرز صبيه على شكل خط ثم غطى القدر وقصري على النار ودعيه تقريبا عشر دقائق ثم ضعي صحن الغرف فوق القدر واقلبيه في الصحن وبس صينيه التست باللحم او الدجاج والخضار : حضري الصنيه ورصي فيها التست بعد ماتقطعي حوافه طريقت اللحمه هي احضرى الطاوه وضعى فيها قليل من الزيت ثم البصل والفلفل الاخضر والطماطم ونقلبهم مع بعض زين ثم نضع اللحمه المفرومه المغسوله مسبقا ونقلبهم لحد مايتغير لون اللحمه ثم نضع البقدونس والكسبره والبهارات والملح والفلفل الاسود والثوم البودره وملعقة معجون الطماطم ثم نقلبهم معبعض لحد ماتستو اللحمه ثم نضعها فوق طبقة التست ثم نضع فوقها طبقت تست ونغطيها تماما ثم نحضر البشامل كلمت روعه قليله فيه وطريقته هي علبة قشطه واربع ملاعق كبيره جبن سايل وملعقه مايونيز وقليل من الملح و2فنجال شاهى ماء نقلبهم جيدا ثم نصبها فوق طبقت التست ثم نغطيها بطبقة جبن برميزان او أي جبن تحبيه ثم ندخلها الفرن من الاسفل ثم من الاعلى لحد ماتتحمر وتقدم مع الصلطه وبس صنيت البطاطس المهروسه باللحم او الدجاج : تسلقي حبات البطاطس حسب الكميه الى تكفيك مع ملعقة ملح ومعجون طماطم وفلفل اسود وثوم بودره وبهار تخلى طعمه يجنن وبعد ماتستوي تهرسيها بلملعقه جيدا ثم تضعى نصف الكميه في الصنيه ثم تضعى فوقها اللحمه المفرومه وطريقتها نفس طريقت صنيت التست ثم تضعى النصف الثانى من البطاطس وتغطيه بطبقت البشمل نفس طريقة بشمل التست ثم ترشى فوقها طبقت بقسماط وقدميها مع السلطه اتمنى اكون افدتك ولاتضحكين على اسلوبي في الوصف ترى اول مره اكتب وصفه هذا كله بس لعشان عيونك ياعسل ومايطفش ابو الشباب الله يخليكم لبعض يااااااارب ولاتحرمينى من دعواتك الحلوه ان الله يشفيلى بنتى ويرزقنى الوضيفه الى اتمناها واش كماااااااان ياربي امزح خلاص زودتها واي شى ثانى ياعسل امري وتدللى احنا اخوات في الله

السلام عليكم ورحمة الله وبركاته مقلوبة الكفته بالرز: اول شى نحضر اللحمه وهى لحم مفروم وبصله...

.. أحبكم .. :

هذا رابط واحد من مواضيعها http://forum.hawaaworld.com/showthread.php?t=3006521 واذا حبيتي تشوفين بقية مواضيعها اضغطي على اسمها ثم مشاهدة ملفه الشخصي ثم الاحصائيات ثم البحث فقط عن المواضيع التي كتبها **العنـــود**

هذا رابط واحد من مواضيعها http://forum.hawaaworld.com/showthread.php?t=3006521 واذا حبيتي تشوفين...

طعناتك كفايه :

في طريقة الربيان بالكريمه هي مو صينيه بس لذيذه وسريعه لو تبغيها قولي انزل طريقتها

في طريقة الربيان بالكريمه هي مو صينيه بس لذيذه وسريعه لو تبغيها قولي انزل طريقتها