السلام عليكم


بديت مشروعي من 3اسابيع عرضت بضاعتي بالانستقرام وهي اني اوفر بضاعه متنوعه بالطلب يعني لما يحدد الزبون ويعجبه غرض معين يرسل لي المبلغ ع حسابي وبعدها اطلب من موقع امازون ولما توصلني البضاعه ارسلها له بالشحن وتكلفة الشحن ع الزبون المهم مشكلتي هي كالتالي:

اولا انا ماعندي خبره بهذا الموقع ولااعرف اقرا انجليزي ودايم استعين بالمترجم حق قوقل
ثانيا اللي يطلب لي الطلبات من برا صديق زوجي لانه عنده خبره وعنده لغه انجليزيه وعنده بريد خاص فلما عرفت هالشي كلمت زوجي عن هالمشروع ووافق صديقه انه يساعدنا
ثالثا انا اخترت بضاعه جميله ومتنوعه والطلب كثير لكن لما اقولهم الشحن عليكم يبطلوووووو لييييييش قهر الحين ادور لي شركة رخيصه اتعامل معها ساعدوني بشركة شحن داخل وخارج المملكه وتكلفتها اقل يعني ارخص شحن عشان اقول للزباين الشحن مجانا


اهم شي بالموضوع اني خايفه انو البضاعه اللي طلبتها تكون مستخدمه مع اني اشيك ع الكلمتين new و used ً وان البضاعه تكون رديئه ومو اصليه فيني خوف اني اخذل الزباين

او البضاعه تتكرفس وتنعفس مع الشحن



ساعدوووني انا ماعندي راتب ومعتمده ع هالمشروع يعني اي خطا باروح فيها قولو لي اي معلومه تفيدني بلييييز
10-02-1435 هـ, 09:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
صراحه مو فاهمه وش تبين
شركه شحن رخيصه؟
طيب حددي انتي تبين تشحنين من وين
اكيد بعض الزباين يرفضون الشحن ويبون ارخص شحن اللي هو زاجل ب 10 ريال
واللي تبي زاجل قول لها بعد الشحن اخلي مسؤليتي لان الشحن مع زاجل ياتضيع الشحنه يا تخترب بالشحن
موفقه
10-02-1435 هـ, 09:41 مساءً
 
غريبه معروف ان الشحن على الزبون
وبالنسبة لخراب الشحنة مانتي مسؤله عنها لانها ماتوصلك على طول على الشحن
الا اذا عندك البظاعه وانتي ترسلين
هنا يحقلهم يتكلمون
10-02-1435 هـ, 10:03 مساءً
 
البريد السعودي مضمون
أنا مندوبه وتوي مبتديه
والشركه معتمده على البريد السعودي
بالتوفيق
10-02-1435 هـ, 10:05 مساءً
 
لاا اله الا الله
10-02-1435 هـ, 10:48 مساءً
 


الساعة الآن 11:31 .