الله يعطيكم العافية على الردود ان شاء الله اليوم اروح لمحلات الجملة ادعولي بالتوفيق
14-02-1435 هـ, 01:12 مساءً
 
حياك الله اختي حاولت ارسل لك علي الخاص ما قدرت مدري ليه

يا ليت تدليني علي اماكن الجمله وطريقه خلط العطور انا بتاشرقيه وودي ابداء بتجاره منها فايده
14-02-1435 هـ, 10:06 مساءً
 
اقتباس مشاركة  (raianh2007)
حياك الله اختي حاولت ارسل لك علي الخاص ما قدرت مدري ليه

يا ليت تدليني علي اماكن الجمله وطريقه خلط العطور انا بتاشرقيه وودي ابداء بتجاره منها فايده


هلا اختي شوفي الشرقية والله ما اعرف فيها شي بس اعرف اماكن الجملة في الرياض وتقدرين تنزلين الرياض خميس

وجمعة عندك البطحا المرقب المعقلية ررررررهيبة انواع البخور العطور السويلم والله ايام لما اتذكرها ابكي عليها بعد

ماتزوجت ونقلت مع زوجي

بالنسبة للعطور معطرات المفارش توني امس سويت خلطة وطريقتي هي 20 مل مخلط عطور دانة الدنيا دهن الورد

كاميليا وممكن تزيدين حسب تركيزك طبعا زيدي السعر كل مارتفع تركيز العطر زاد السعر وعلبة ماء ورد و10مل مثبت عطر وحطيه بعلبه

خاصة بمعطر المفارش وحطية تحت السرير مدة اسبوع وكل مازادت المدة طلع رووعة وانتي ممكن تبدعين

العطور امي تسوي علبة 50 مل اوفر واربح لها 35 مل مذيب 15 زيت عطري مثل نينا ريتشي 2 مل مثبت عطر

وخلي مقياسك الابرة تاخذينها من الصيدلية وحطي العلب في الثلاجة يوم وبعدها حطيها تحت السرير علشان التعتيق

وافضل محل زماني للعطور اسعاره مناسبة علب العطور انصحك بالمعيقلية اوفر وارخص بس الزيوت خوذيها من محلات

زماني للعطور البخور للاسف ماعرفت وحاولت ماعرفت بس الوالده عساها ترضى وتعلمني كيف اسويه وهو العود

العود المعطر الكبار في السن يعتبرونه سر ومايعلمون الا وحده من بناتهم على فكره نسيت قولك على اللوشن كيلو لوشن 150 مل زيت عطري اخلطيهم وعبيهم بعلب اللوشن وماتحتاج تعتيق
15-02-1435 هـ, 12:50 مساءً
 
الله يجزاك خير تدليني على محلات جمله لملابس الاطفال ونسائي تكون تقليد ماركه وجودتها عاليه واسعارهم حلوه ؟بالرياض او الدمام ؟ ابغى مورد لاني ناويه ابسط بالملابس بحديقه نسائيه الله يجزاك خير
17-02-1435 هـ, 08:44 مساءً
 
فديت قلبك ان شاء الله استوعب مقاس الخلطات واعرف اشتريها

وان شاء الله ببلغكم وش صار معي الله يعينا سفرة للرياض
17-02-1435 هـ, 09:13 مساءً
 


الساعة الآن 09:47 .