مشكله اسلوبي مع زوجي ابي حل

السلام عليكم ياحوائيات 
حبيت أنزل مشكلتي وبإذن الله اغير من نفسي ع يدكم..
مشكلتي نفسيتي الغريبه مع زوجي ، ع اتفه الأمور اكبرها واسوي من الحبه قبه، وزوجي طبعه صبور واستغربت عنده برود أعصاب ع اني اتلفظ مرات وانا معصبه واصارخ إلى ماخليه يفقد اعصابه وبالنهايه لاوصل حده يخوف ينفجر بوجهي وابكي تخيلتوا هههه بمعنى شخصيه زوجي كالمثل اللي يقول(اتق شر الحليم اذا غضب).. حاولت اغير من نفسي علشان بيتي ماينهدم،وقالها زوجي أتمنى تتغيرين وتشيلي هالنكد مليت من هالحياه،خصوصا يشتكي انه تعبان بدوامه طويل وكرف وواقف ع رجوله يوصل أوراق هنا وهنا ويطبع ويكتب حرف بحرف بالكمبيوتر وصفحات طويله ويكمل شغله بالبيت وانا ازيد همه وقالي عباره صريحه بوجهي مالوم أصحابي لاقالوا يطولون بالدوام ومايخرجوا وقت نهاية الدوام لأن عندهم من يطفشهم مثلك وعلشان كذا يكمل شغله بدوامه إلى مايخلص اللي برأسه.. وانا ندمانه الحييين وهذا ماصار ع زواجي إلا سنه و4شهور واقولها بنفسي صراحه ماتوقع بيصبر أكثر اذا ماتغيرت و ماينلام من يبي المشاكل... غير كذا مثلا مشاوير عندي بروح مكان معين لأهلي أو زياره لأحد واتفقت ع موعد معه ووقت محدد يوصلني واتفاجى يروح للحلاق او يصلح السياره مثلا واتصل إلا يوديني الحين وهو مايقدر قالي شوي إلى ماخلص شغلتي، يعني قال بيوصلني بوقت مايخلص ماقال ماني موصلك واعصب عليييه وحاله ياربي كيف لا قال مو موصلك أجل، و بصراحه بعدها قال عدلي اسلوبك واحترمي زوجك والله يعينك ع نفسك شفتوا كيف !!!!؟

وربي ماقصر صبر وصبر ويكتم غضبه إلى ماصار يقول بوجهي ولا عاد يهمه
وبجد يابنات زوجي الحمدلله مو سيء ابدا ولما اشوف أزواج يتلفظون ع زوجاتهم ويضربوهم ويتفل بوجهها بالروحه والرده ويهينها اتحمد ربي ع اللي عندي خربت ع نفسي كثير صار مايكتم غضبه مو مثل اول ،صار يضايقني بكلماته ومو بعيده يضربني لاستمريت ع كذا
تكفون بنات مابي شي يزيدني هم ابي حل اتغير للأفضل وانا ندمانه قد شعر رأسي 
الله يسخره لي ويسخررر لكم ازواجكم