هو مبسوط ترا وانتي تذلين نفسك وبيزيد مذله لك هذا طبعه ماراح يغيره لين تتغيرين انتي وتحفظين قدرك وكرامتك
ترا هذي عشره عمر مو شهر ولا شهرين اذا عودتيه على عدم احترامك وتقديرك من الحين لا تلومينه اذا تمادى وتقولين مايقدرني ولا يحترم مشاعري ! انتي تبين كذا فتحملي اي شي يجيك منه
عزي نفسك يعزك ذلي نفسك بيذلك وبيزيدك ذل

لاتزعلين مني انتي عودتيه يذلك
والله لو زوجي يرميني عند اهلي لاسحب عليه واشغل نفسي
وخليه يتعلم ان لك كرامه .. وعندك اهل.. وسند ..
قفلي جوالك واخفي ظهورك بالواتس وسويله بلوك بالواتس..
واشغلي نفسك اطلعي تمشي او فرفري بالنت..
تمشي مع اهلك وعيشي حريتك
حاولي تنسينه قد ماتقدرين
انتبهي ابد ابد تضعفين وتكلمينه
واذا رسل احد بيكلمك وكذا طنشي لين يجيك بيتكم
واذا جاااء خليه يعتذرلك انه ماعاد يعيد حركاته ويرميك لاهلك
قوليله ثاني مره لو رميتني ..بعلم اهلي بسواياك وارفع عليك خلع ونتطلق
ترى اللي ماتقدر نفسها زوجها مايقدرها...ولايشوفها شيء..
حبي نفسك وكرامتك ولاعاد تركضين وراه..دامك جربتي تركضين وراه ومانفع اتبعي اسلوب التطنيش

يعني اانتي الحين تقولين انه مايرد ولا يجيك الا لما تترجيه
اسمحي لي اانتي اساساً ماعندك كرامه عشان تنهان
الحرمه لازم تكون قويه عشان لاصادفت مثل هالمواقف ماتنكسر ولا تتاثر

شوفي حبيبتي هو عارف انك بتسعين وراه عشان كذا انتي سوي الى عليك وخليه الى ان يرضى بس لاتتصلين ولاتدقين عليه هو بيرد لما يهدى ويرتاح 

اسمعي وضعه كيذا غلط وانتي سمحتي بالغلط تعود وعودتيه على ذا الطبع حياتك عيشيها بطولها وعرضها وخليه لين يطيح اللي براسه ويرجع وحتى ان رجع خليك هاديه وكن ماثر فيك وياليت فعلا ماياثرفيك.. خليك مع اهلك استانسي والتزمي الدعاء والاستغفار وثقي بدعواتك وبالله سبحانه قبل كل شي