سلام عليكم
سلام عليكم
بنات انا بنت عمري 23 وبصراحه ماعرف للطبخ لي عده محاولات بس كلها بائت بالفشل احس الطبخ وربي شي صعب واتوقع مراح اتعلم لين وحده تعلمني بنفسهاا لاني لما اطبق من المنتديات ابذل كل مجهود عشان تطلع طبخه حلوه بي يخيب املي والله وماتضبط ووينحاص المطبخ واحس بارهاق فضيعع من طبخه وحده لدرجه افكر كيف يسوون المتزوجات ماشاء الله الي تظطر تطبخ 3ةمرات باليوم انا اجلس 4 ساعات عالطبخه وتتكسر رجولي وانا اطامر من هنا وهناك وليته ع شي سنع والله ماضبط معي شي بسب شوف لي حل بهالموضوع يمكن بعد الاختبارات اشوف وحده بمدينتي تعلمني الطبخ لاني الي حولي خواتي وهم متوسطات بالطبخ واكلهم عادي فانا ابي اصير بارعه
نجي للاهم انا الان مصلحه رجيم كيمائي والرجيم فيه لحم ودججا انا سويت بهارات وملح وليمون ووغسلت الحمه كويس اوالدجاجه واحطها بالفرن بس وربي ماتضبط يطلع طعمها فيه زناخه مع اني مغسله ومبهره وكل شي تكفون شوفو لي طريقتين سهله للحم او الدجاج تكون شوي لان بالرجيم مكتوب دجاج اولحم مشوي لاني محتاره وكرهت اللحم طعمه غريب والدجاج برضو فيه زناخه مع انه مبهر وابي اسوي الرجيم ضروري
22-02-1435 هـ, 11:59 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
كتاب اطباق النخبه اشتريه مضبوطه مقاديره واكلات سهله ولذيذه
امى الرجيم انا اصلح كودو او شاورما من صدور الدجاج او ايدام خضار بالدجاج او صينية دجاج بالخضار وماشاءالله الوزن ينزل وماتملين من تكرار الاكل
الكودو تقطعي الصدور مكعبات تسلقينها بماء ورشه خفيفه بهارات او صحيحه كيفك بس لاتزيدين المتاء خلي الكميه مناسبه يتني يستوي الدجاج وباقي شوي ماء وبتاوه اوقدر اهم شي من النوع اللي مايلصق ماتحتاجين تحطين فيه زيت حطي مكعبات بصل وقلبيها الا ان تتحمر يعني عالناشف وضيفي الدجاج وثوم "مع اني افضل الثوم اضيفه بالأخير ينكه الاكل ابشره واضيفه عالاكل "وقلبي وبهارات وملح وشوي صلصة وبعدين طماطم صغيره لاتكثرين وتقدرين تستغنين عنها وإذا بتضيفين فلفل بارد اوحار ضيفي مكعبات طبعا وبالأخير ضيفي من ماء سلق الدجاج وخليه عالنار شوي يتسبك وبالف عافيه الشاورما نفس الطريقه لكن تسلقي الصدر كامل بدون ماتقطعيه مكعبات وبتد السلق نتفين وسوي نفس الكودو والايدام نفس ايدام الخضار لكن بدون زيت سواء كان تالنار او صينيه وبالعافيه
23-02-1435 هـ, 01:01 صباحاً
 
تتبيلتي لدجاج الفرن بعد ماتنظفينه بفركه بشوي دقيق وعصرة ليمون جيبي زبادي وعليه شوي خل وعصير ليمون وثوم مهروس وبهرات ونقعي الدجاج فيه مده ثم بالفرن
اللحم تبليه بصلصة طماطم مع كمون مطحون وليمون وشوي خل وخليه ثم بالفرن
وزي ماقالت الاخت كودو الدجاج وبعد ممكن تسوين اكواب الدجاج حلوه ولذيذه وهي( دجاج تفرمينه بالبيت احسن وتحطين بهارات وملح ثم بفناجيل او قوالب السيلكون الصغيره او بأوراق الكب كيك وبصينية الكب ثم تحطينها بحمام مائي لين يقرب أستوائها ثم تحطين الحشوه المناسبه لك بالعاده انا احط بطاطس مقطع صغار ومسلوق او مقلي مع شوي بشر جزر وشوي بازلا ورشة جبن موزاريلا ) او اي حشوه تحبينها وتكمل سوا عادي لين يذوب الجبن
وفي رولات الدجاج ( دجاج مفروم ناعم مررره وملح وبهار وتفردينه على قصدير ثم حطي الحشوه الي تبينه انا احب الورقيات يعني -بقدونس مفروم وبصل اخضر مفروم وشبت مفروم كميه قلييييله وجبن كرافة مبشور وجزر مبشور وتفردينها على الدجاج ثم تلفين القصدير رول بس خاولي تشدينه بعيد عن الدجاج حتى مايلف بوسطه ثم صكيه من الجوانب زين وحطيه بقدر فيه مويه على النار لمدة نص ساعه ثم شيكي عليه اذا استوا جيبي صينيه ورشي زيت زيتون خفيف وحمري رول الدجاج فيها
23-02-1435 هـ, 01:37 صباحاً
 
الزناخة في نفس اللدجاج مومخزن صح اشتري مبرد جديد
23-02-1435 هـ, 02:01 صباحاً
 
انا تزوجت وكنت طالبه ما اعرف اقطع دجاجة والان مضرب مثل بالطبخ 
والفضل لعالم حواء ... النت مليان وبالصور وبالفيديو وكله ببلاش 
ومانتي مضطرة تشوفي كتب ولا حاجة 
انا يوميا اقرا اطباق عالم حواء وكل اسبوع اعمل فكرة وحدة 
حتى ترتيب السفرة تعلمته هنا البنات هنا مبدعات وكلمة مبدعات قليلة عليهم بيقدمولك تجاربهم ع طبق من ذهب 
23-02-1435 هـ, 07:22 مساءً
 


الساعة الآن 08:46 .