فكرة صدقة لكي ولبيتك منقول

فكرة للصدقة يستطيع أي انسان تطبيقها ..

بسم الله

السلام عليكم اخواتي بنات يمكن تحسون مالها علاقه بالقسم
بس الصدقه من اعظم الاشياء اللي تاثر في الحياه الاسريه والزوجيه
بسرد لكم تفاصيل هالفكرة مع ذكرامثلة بالتفاصيل ـ وانتم تعرفون فضل الصدقة ..


ـ لاتغيرون الموضوع اقروئو وش بقول ..

اول شي جت ببالي فكرة اني اسوي كرتونين الكرتون هذا لة فتحة من فوق ،< على فكرة تلقون بكراتين الهدايا الي تجي صغار ولها غطا سوو انتم فتحة على فوق ـ المهم جيبي صندوقين واكتبي بالاول صدقة جارية عند


فتحة الكرتون ولصقيها ،واكتبي تحتها طباعة مصحف افريقيا او طباعة مصحف باللغة العربية

او برادة ماء في مسجد ـ المساهمة في حلقات تحفيظ القران او المساهمة في بناء دور الايتام ،

والكرتون الثاني اكتبي فوق ـ كفالة يتيم ،


واكتبي تحتة ،قال صلى الله عليه وسلم "أنا وكافل اليتيم في الجنة كهاتين وأشار بالسبابة والوسطى "


الفكرة انك تعرضين الفكرة على الي دايم تجتمعين معاهم وتقولين كل واحد يدفع الي يقدر علية ـ
على حسب عدد الحريم الي مجتمعة معهم واخوانك بعد ـ وكل شهر من جمعتكم او اكثر جيبي الصناديق



وخلي حتى الاطفال يدفعون .. بتشوفون انكم جمعتو مبلغ ماتوقعتو تجمعونة ـ
الخطوة الاخيرة انك توكلين يااخوك او زوجك يودي هالمبلغ يالهيئة الاغاثة الاسلامية او الندوة العالمية
او مؤسسة مكة المكرمة وموجودة الارقام تقدرين توصلين لهم ..



بذكر لكم تجربتي بعد كل هالهذرة تحملو شووي ..


انا قررت انفذ الفكرة واسالت حريم اخواني واقنعتهم بالفكرة وقلت لهم كل شي اسوية انا بوصل المبلغ انتم بس

تعاونو معي هم عجبتهم الفكرة وايدوني وقلت لاخواني بعد ـ بدانا باول شهر،

حنا 27 شخص مع حريم اخواني واخواني وعيالهم كبارين ـ جمعنا للصدقة الجارية 250
ولكفالة اليتيم 500ريال ـ سوينا طباعة مصحف افريقيا في الندوة العالمية عشان الي بيسأل ،
والكفالة كفلنا يتيم وخليت اخوي يكتبة باسمي ـ تخيلو كفلت يتيم بدون ماادفع شي ـ ^ــ^ ـ مو رياء بس

اشجعكم انكم تقدمون على هالفكرة ولاتترددون دقيقة وحدة ^ـ^



طبعا كل شهر نجمع هذا المبلغ بدون مبالغة كل شخص دفع عشرين او ثلاثين جمعنا مبلغ كثيييير ـ
وتعالي شوفي النفسية بعد دفع الصدقة تحسين براحة عجيبة ـ خاصة كفالة اليتيم ^ــ^
المهم كنت اكلم صديقتي ذاك اليوم وقلت لها عن الفكرة واعجبتها وطبقتها مع اهلها وبعد هي اكثر جمعاتها

مع خوالها فصارت تجمع في الصندوق من خوالها واخوانها وحريمهم ـ سألتها بعد شهرين

كم عدد الي دفعو تقريبا ـ قالت 70 شخص قلت هم التزموا بالدفع قالت اية ومن ثاني شهر زاد المبلغ ،


قلت كم يتيم كفلتوا قالت اربعة وكلهم كتبتهم باسمي وتدعيلي
وقالت يوم شفت النتايج قلت لبنات عمي وكل بنات عمها طبقوا الفكرة مع اهلهم ، قلت الحمدلله ـ الدال على الخير كفاعلة ..