اهل الزوج وبعدين معهم

السلام عليكم ورحمة الله وبركاته
من زززززمان عنكم
الزبده صديقتي من ايام الثانوي والى الان واحنا عالحلوه والمره شكت لي مشكلتها وانا استاذنتها اعرضها وناخذ اكثر جواب فيه حكمه وحل صحيح
ام زوجها وخواته مسيطرين على الشباب هذي تربية الام لهم خواتكم وخواتكم
والخوات كتلة حقد واذيه ليتهم ذوات قلوب بيضاء كان مامنهم ضر لو يصيرون عيالهم خواتم باصباعم عادي
لكن المشكله لاصارت الخوات موقد المشاكل
هي مشاكلها تسيطر عليها دوم ولو اقولها مابخلص بس فيه سافه منرفزتها لها سبع سنوات متزوجه ماتعرف سلفاتها موصين عيالهم مايجون حريمكم لبعض لوحدهم وتراهم يخبرون بعض حشا مفكرينهم خدم مستقدمينهم اوكيه اخوانكم على العين والراس لكن حدهم هنا وبس اتوقع مالهم دخل يصادقون بعض يكرهون بعض
المهم زوج صديقتي مايسمع هم وكمان واحد من اخوانه يعني يتلاقون حريمهم بالجمعات نادرا لين اخذوا ارقام بعض وبدت المشكله سوو مصيبه يوم عرفوا ان ارقامهم عند بعض طلعوا اشاعه ان صديقتي تتشكا على زوجها عند وانه يضربها ويتعبها عند سلفتها
وصديقتي تقول حشا عمره مامد ايه علي ياكبرها من كذبه
المهم صديقتي تهاوشت مع زوجها وتصالحوا
مع الايام صديقتي وسلفتها خللاص ماعاد يهمهم يسولفون ومصادقين بعض مثل الخوات وياجبل مايهزك ريح ويزورون بعض ويطلعون سوا واهل ازواجهم كارهينهم وحاقدين بس مابيدهم شي مدام الازواج مع العشره تغيروا وماسمعوا لتفاهات خواتهم
اخوهم الثالث متزوج من سنه ونص تخيلوا ماخلوهم يشوفونها للان ولايعرفون شكلها لو يشوفونها بمكان عام مايعرفون انها سلفتهم والله
كل هذا عشان الضنون الشينه حسبي الله ونعم الوكيل
اخوهم مغسول مخه وملعوب عليه زين لدرجه فرقوا الاخوان عن بعض مع انهم بنفس الديره يعزمه يصرف عشان مايجي بدون زوجته كل يوم وينكشف انه خايف على زوجته لايخربونها
وزوج صديقتي يحاول من سنتين يعزم نفسه عند بيت ايقول بجيك انا ومرتي بس كمان يصرف
الين زوج صديقتي قال لها مايبيك تجين خايف على زوجته لاتخربينها مسكين
صديقتي وسلفتها يبون يتعرفون عليها ويبدون بالخير اول وكيف يحرجونهم انهم للحين ماشافوا العروسه لها سنه ونص وكيف يتصرفون لما يلاقونها وكيف يبادرون وياخذون رقمها بدون مشاكل من اهل الزوج
علما انهم يجونهم كل ويكند بس مايخلون صديقتي وسلفتها يجون بس الرجال
يعني ويكند لصديقتي و سلفتها مع رجالهم و ويكند لولدهم مع زوجته
وعلما انهم رسميات مع اهل ازواجهم وماطلعت منهم العيبه وطيبات ولاهم راعيات حركات ومشاكل لكن اهل الزوج هذي قاعدتهم بالحياة فرق تسعد مع انهم مدينات ومتشددات


انا قلت لصديقتي ماعندي جواب ما اعرف اتصرف اكيد بنات حواء عندهم حل يقطر حكمه