هلا بنات اخباركم

انا توني متزوجة ولابد من الطبخ وزوجي يحب الكيك
وقلت ابي اغير عن كيك كويكر الجاهز

قلت بعمل كيك الزعفران والهيل لاني اممموع بالزعفران


تخيلو بنات الفشيلة ان طبخت ثلاث مرات وكل مرة ماتضبط
اول مرة احترقت على جنب ومن داخل رطبة
وثاني مرة نفس الشي
وثالث مرة احترقت من تحت لكن من داخلها طرية ونية
واحط درجة الحرارة 350

وش السبب؟!
مع ان ماشالله امي تسويها وتطلع منتفششه ولذيييذة واحط زي مقادير امي لكن مدري شالسبب
مقاديري هي
زبادي علبة
نص كاس سكر
طحين على حسب الكمية
ربع كاس زيت او نص
فانيلا وملعقة بيكنغ بودر
وثلاث بيضات
وآخر شي الزعفران والهيل

وش السبب!!

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي 350 درجة الحديد إيدوب مو الكيكه تنحرق بس ، حطي 170 أو 180 وأقصى حد 200 درجة على حسب فرنك أنا لما أحضرالكيك أحط 180 درجة وما أسخن الفرن حتى تصل 180 درجة مسبقا لا لما أكمل تحضير الكيك أو لما أقرب أخلص من تحضيره أشغل الفرن 180 درجة أنتظر كم دقيقه حتى يدفى وأدخل الكيكه وما أفتحه حتى تحمر وأتأكد إنها إستوت مو قبل 20 دقيقة على الأقل على حسب نوعية الكيك موفقه.
طيب سخنتي الفرن قبل والا شغلتيه وحطيتيها على طول

وبعد لا تيأسين جربي انواع ثانية
اول شىء شغلي الفرن على 160 او 180

والكيكه
بيضتين
رشه فانيلا
علبة زبادي
ثلثين علبة زيت
علبة سكر
علبة طحين
ملعقة بكن بودر <<اخر شىء
((القياس بعلبة الزباادي))
اخلطيهم وسوي مثل كل مره ودخليها الفرن طبعا اول 20 دقيقه لاتفتحين الفرن خليها
وان شالله بتضبط
بخلاط الكيك أخلط 3حبات بيض مع 1ك سكر واخلط حتى يصير الخليط أبيضشوي
وزي الكريمة
ثم أضيفي عليه1ك حليب وثلث ك زيت وأخلطي أنخلي 2ونص ك دقيق مع 2م بكنج بودر
ثم أضيفيها للخليط وأخلطي ثم صبيها في الصنية ودخليها الفرن
أهم شى في خلط الكيك الخلط يكون في إتجاه واااحد
لاتفتحي الفرن حتى تشمى رائحة الكيك


الساعة الآن 05:46 .