بنتي وحالتها بدات اكره تصرفاتها

نفس حالت بنتي الله يعيننا ياليت احد يعطينا حل

برضو عندي نفس الحاله الله يصلحهم
يذبحني ولدي بالصياح والعناد والصراخ الشكوى لله فتره عمريه وتعدي
إن شاء الله

بالمحفزات

جربي اللي بقوله بحذافيره

وقت الاستحمام شوي شوي حاولي ماتبيني لها انك مهتمه انها تستحم اولا يعني طنشي علشان هي يروح الرهاب منها شوي شوي لان الاطفال يخافون من الافعال اللي تجي بصيغة امر واجب لازم نحورها بتحفيز

يعني اشتري العاب صغيره من ابو ريالين وخبيها كل مره تبين تحممينها حطي اللعبه فوق دولاب وتكون ظاهره قولي تبين اللعبه بتفرح قولي يله ساعديني وافتحي موية الدش اذا ماتفهم الكلام بوضوح ساعديها بالاشاره وبعدها اوقفي برا وواللعبه بيدك وقولي يله انتي بطله غسلي ايدك ورجولك انا تعبببت مااقدر احممك تقدرين تساعديني وتحممين نفسك ؟ شوي بس شوي الايد والرجول واذا خلصت انتقلي لباقي المناطق كانها شغله وبتخلص بسرعه هونيها بطريقة الكلام بعدها قولي شوي بس شعرك وقربي منها كان تبين تعلمينها كيف تحمم نفسها وانتي خلصيها بمعرفتك بهدو وبسرعه بدون ماتحس انك فرضتي نفسك عليها وعلى طول صفقيلها ونشفيها واعطيها هديتها واحتفلي فيها بالمدح وطول هاليوم ذكريها باللي سوته وبيني فخرك وفرحتك وكأنك مومصدقه واذا جاء ابوها قول تعرف شسوت فلانه روشت نفسها وساعدتني ولاصارخت



ترى اللي انكتب جدا سههل بس يباله طولة بال كل ماصارخت اكثر طولي بالك اكثر وامشي من المكان لانهم يقيسون ردات فعلهم من ملامح وجه الام لكن التحفيز بالطريقه اللي انذكرت مفعوله مثثل السحر

وانتي مع الايام اذا شفتي خلاص بدت تتعود تستحم بدون صراخ بمراقبتك ومساعده خفيفه خلاص خففي المدح يعني خليه بالمعقول وهي شوي شوي بتاخذه عاده وواجب

وقت التغيير عطيها شي تحبه او شغلي لها شي تحبه

مفروض هلا تتعود على حمام وتستغني عن حفاظة انت وديها للحمام وصفقي لها وقولي لها انت شطورة وقت الاستحمام خدي مغطس كبير وعبيه موية دافية وحطيها فيه خليها تلعب لها شوي مرة حتى تتعود على حمام وشوي تشوفينها تتطور لين تصير تروش نفسها بنفسها ولدي عمره3سنة و5 اشهر يروش نفسة ماشاء الله وحده ويستخدم حمام وحده مع انو مريضADHD