Analysis Services
اقتباس مشاركة  (عطيتك أغلى ماعندي)
وينك يااااااااااااااااا ام يوسف
اشرحيلي بالتفصيل الممل
لانه اختك في الله شوي مسطله في مجال المال والاعمال
واش رايك بفكرت انه اشتري اسهم
وفيه وحده عرضت علي مشروع محل اكسسوارت وشنط واحذيه وبتدلني على محل بالجمله
واخوي عرض نفتح محل لبيع الدجاج يقول يكسب
وش رايك؟
انا اختصاصي اسهم,,

تقدرين انتي واخواتك كل وحده تدفع 5 او 10 الاف وتفتحين محفظه وانتي تديرينها

اما بالنسبه للتجاره فحاليا ظروفي ماتسمح ولو فكرت اني افتح محل واييه ينجح فلازم افكر بشي مميز مو اجيب واحط وبعدين اقول مشروعي مانجح
اهم شي عندي سعر البضاعه وشكلها
يعني مثلا الحين عندنا في مجمع الفناتير اذا رحت بصراحه انقهر ,,تلاقينه فاتح محل وشكبره على بضاعه ماتسوى ريال ويقولون مانجحنا
اذا بغيت جزم الله يكرمك لبناتي ماالقى شي زين ودايم اتمنى اني افتح محل جزم من هالمحلات اللي وش كثرها في الرياض كل واحد يقول الزود عندي "كذا لازم تفكرين اذا بغيتي تفتحين محل" تشوفين المكان وش اللي ناقص فيه وبعدها تحددين نوع بضاعتك
واذا حبيتي شي مميز روحي زياره للكويت واتفرجي على محلاتهم وممكن تاخذين اسماء شركات منهم ومن وين يجيبون بضايعهم لانها بجد مميزه
فيه عندهم محلات دينار ونصف والله رووعه واللبس الشعبي ولبس الشغالات
يعني دوري وشوفي حركاتهم وفناتكهم الغريبه والاشياءاللي مو متوفره عندنا ولاهي موجوده بالمكان اللي بتفتحين فيه المحل
او اذا بغيتي تفتحين محل اكسسوارات لاتخلينه محل تقليدي رتبيه بطريقه مبتكره
انا الحين اذا بغيت اتسوق كل محل تلاقينه في جهه فامل واطفش انتي وش تسوين قسمي محلك اقسام قسم خليه للاطفال قسم خليه للنواعم وقسم شعبي وقسم الحركات الغجريه والدفشه
يعني زبده الكلام لاتفتحين محل والسلام لاااا فكري بحركات وتميز وشي جديد
فكري بشي يجذب الزباين ويخلي محلك يستاهل ان الواحد يجي المجمع عشانه
مثل عندنا محل في الثقبه الناس تجيه من كل مكان تدرين ليش؟ لانه رخيص وبضاعته كأنها ماركه
والله لو تشوفينه في رمضان يقفل الباب من الزحمه اللي عليه

وارجع اقولك انا اختصاصي اسهم وان بغيتي شي بالاسهم انا جاهزه اكون معك خطوه بخطوه
17-10-1426 هـ, 08:09 صباحاً
 
اقتباس مشاركة  (soosa2005)
ام يوسف واثقين فيك يالله نستناك ونبدا بمبلغ صغيراو نسوي محفظه بس ما ادري البنات عاادي بيثقون بعض ولازم نصبر على الربح والخساره
ولا يا حلوين
وانا اولكم بدفع 1000من بعدى
معليش اختي تراها مو شغله سهله ومسئوليه كبيره لو تفتحينلك محفظه انتي واخواتك تديرينها افضل
17-10-1426 هـ, 08:13 صباحاً
 
طيب يا ام يوسف
غلبناك معانا معليش تحملينا
واحد عرض على زوجي يبيعه اسهمه عنده 13 سهم ويريد الواحد ب800 ريال في بنك البلاد
وش رايك بينصب علينا ولا نتوكل على الله
17-10-1426 هـ, 12:44 مساءً
 
حبيبتي ام يوسف
والله اني نفسي ادخل مجال الاسهم
احنا عندنا اسهم في بنك البلاد
وودي اشارك في اكثر من مجال
ممكن تدليني وين ممكن اساهم وكيف ؟
انتظر ردك
17-10-1426 هـ, 01:16 مساءً
 
بالعكس انتو الكسبانين لان سعره اليوم بالسوق 892

بس اهم شي انكم تنقلون الاسهم باسمكم لايروح ينكرها عليكم او يبيعها ويتصرف هو بالفلوس
17-10-1426 هـ, 01:18 مساءً
 


الساعة الآن 12:59 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏