الله يسعدكم ادخلوا و اعطوني نصايحكم وآرائكم الحكيمة وجزاكم الله خير الجزاء

السﻻم عليكم

انا ماعندي مقدمات راح أدخل بالموضوع انا عند أهلي وخﻻص انا احس راح اتخذ قرار الطﻻق من أمور لو اقولها يمكن ﻻتعد وﻻتحصى خﻻص سبحان الله احس انه صارت عندي قناعة من الله كذا المهم يابنات حابة استشيركم اتمنى من صاحبات الرائ السديد يفيدوني انا عندي طفل عمره 6 شهور هل يقدر ابوه ياخذه مني ؟؟ ويحرمني منه ؟؟ انا ما أتخيل في يوم انه ابني يبعد عني لحظة لكن والله الحياة مع زوجي ﻻتتطاق صبرت اتحملت دافعت اتكلمت بكيت اتالمت صارخت سويت كل شي مافي فايدة 

رجاء ﻻتجي وحدة وتقولي احمدي ربك ان عندك زوج وولد  وفي بنات يتمنوا ريحة زوج بالعكس انا كنت زيهم وبموت على الزواج لين اتزوجت و ياليتني ماتزوجت غلطة عمري زوج ﻻيراعي وﻻيهتم سوق مافي تماشي مافي خرجات مافي مطاعم ماعمري شميتها أروح بيتي انحرم من كل شي بس بين اربع جدران وغير كذا ﻻيحترم امي وﻻ ابوي ولسانه طويل صبرت عليه  كثيررر وربي انزل عند أهلي الله يخليهم لي يطلعوني ويمشوني ويدلعوني انا وولدي بالله ايش ابغى بزوج زي هذا وفوق هذا راميني عند أهلي وﻻ يسأل فيني وده اجلس عند أهلي شهرين 3شهور ماهمه وﻻفكر شفتوا كيف لمن اهل الزوج يخدعوا بنت الناس ويورطوا ولدهم فيها ياشيخة حسبي الله عليهم ونعم الوكيل صبرت عليه ياناس سنة ونص ماشوفت يوم حلو وﻻ ريق حلووو او شي يفرح الخاطر ماعمره اهداني شي فرحني بشي ما اقول اﻻ حسبي الله ونعم الوكيل  وهذا وﻻشي هذا جزء من اللي يصير في حياتي وراعي استراحات وﻻ اشوف وجهه أحيانا اﻻ وقت النوم واحسه يتهرب ويتنفر مني يابنات انا اللي ادور عليه مو هوا اللي يدور عليا تتخيلون كيف ؟! صبرت وصبرت وصبرت بما فيه الكفاية وﻻ وقبل يومين طلعوا اخواته على حقيقتهم بعد ماكانوا يظهروا لي انهم وي المﻻك طلعت الحسد والغيرة والحقد في قلوبهم وما استبعد انهم يملوا قلب زوجي عليا على انه سيئ كمان ينلوا قلبه الحمد لله والشكر بصراحة انصدمت فيهم بشكل مو طبيعي يالله ع الصدمة !!!  وانا اللي طيبة معاهم في كل شي اطبخ لهم وانزل لهم اﻻكل واحترمهم واقدرهم انا استاهل اللي يصير فيني ما اقول اﻻ حسبي الله ونعم الوكيل انا سبحان الله أحياناً افكر واستشفيت انه مغصوب ومو رغبان فيني وﻻ مافي انسان عاقل يسوي كذت بزوجته حبيبته يا سبحان الله فعﻻ تستغربين في الدنيا هذي !! 
وحسبي الله عليهم ونعم الوكيل على زوجي  على اخواته
 وفوق هذا اقول الحمد لله على كل حال