السلام عليكم ورحمة الله وبركاته,,,
اتمنى ان الجميع بخير يارب....
لي رجاء وطلب من كل صاحبة مشغل ولها خبرة بهالمجال تراسلني بالخاص عندي مشكلة خاصة ومتعلقة بالمشغل ابيها تساعدني ولها دعوة بظهر الغيب....
اما الشي الي ممكن اطرحه هينا هو اني لقيت كوافيرة مصرية محترفه بالصبغات والمكياج والتساريح وكل شي وقلت لها بعطيك راتب 2000 ونسبة 10 % ووافقت مع انها تقول لقيت عرض احلى من عرضك بس انا ارتحت لك!!!!!!!
ونفس الشي لقيت خياطة مغربية قص وخياطة وتطريز وشك وقلت لها اعطيك راتب 2000 ونسبة 10% وبرضوا وافقت...
علما بان الخياطة والكوافيرة معاهم شهادات وخبرات
انا لسى مابديت باجراءت المشغل لكني راح اخلص كل شي بإذن الله خلال شهرين اقصى حد وراح استقدم الكوافيرة واخياطة بفيزة مربية وعاملة منزلية لين تنزل لي الفيز حقت المشغل لانهم قالوا لي تطول تاخذ اكثر من 4 شهور.....
السؤال الكوافيرة تقول ان زوجها متفق مع قريبه مصري بجده راح يدبر له كفيل وشغل وهي تقول انا راح اجي بعد مايطلع هو وهي راح تشتغل عندي في حائل اسكن عندك بسكن المشغل المشكلة هي معها 3 اطفال واحد ب3ابتدائي و2 بالروضة ولما قلت لوحده زميلة لي عن وضع الكوافيرة قالت لي احذري منها هي تبيك بس تطلعينها للسودية بعدين تلكع معاك باي شي وتروح تسكن عند زوجها وتدور شغل على كيفها وانا محتارة كيف اتاكد من نيتها معاي احيانا اقول يمكن تكون انسانه راعية ذمة وماراح تسويها ,,,
الله يخليكن ابغا ريكن احس اني بدوامه والي مطمعني فيها انها محترفة جدا؟؟؟؟؟؟؟
انا راح ابداء باستقدام العاملات بعدين افتح المشغل لاني اعرف كثير فتحوا المشغل وجلسوا ينظرون العاملات والله مدة سنه والايجار ماشي وملوا وسكروا كل المشغل...
هل خطوتي هاذي صح او غلط؟؟؟؟
الله يجزاكن خير ساعدني
شيكي عل خااص وجيبي معقب يسرعلك معاملات المشغل بنت خالتي المعقب خلال شهر خلص كل اجراات المشغل
يارب اغفر لجدتي واسكنها فسيح جناتك
الله يجزاك الف خير اختي تواقة للجنه ...
قريت رسالتك لي بالخاص وحاولت ارسل لك على الخاص بس لازم اكمل 50 مشاركة....
عسى ربي يوفقك ويسعدك...
الله يعينك توكلي على الله اما من ناحية نيتها هذي في علم الغيب لو التجار يفكرون في نية عمالتهم مابدوا في مشاريعهم بس الي تقدرين تسوينه الدعاء والاستغفار وصلاة الاستخارة


الساعة الآن 01:05 .