كل ذا بسبب العشوائيه ترى
انتي عندك راتب وهو راتب ماشالله المفروض ماعليكم ديون
اذا تبين اقسملكم رواتبكم على بنود انتو بس تلزموا فيها صرت استمتع بتقسيم رواتب العالم ههههه

والله لاني شفت فرررق كببببير عن حياتنا قبل التقسيم والان افضضضل بكثير وقربنا نخلص الديون
ونبدا بعد تسديها بالادخار و الله يوسع علينا وعلى كل مسلم
عشان كذا من تجربتي انصحك تحلين المشكله من اساسها و تتعلمين انتي وزوجك على الصرف بذكاء وتتركوا العشوائيه
و بعد ماتخلصون ديون كلن راتبه له لازم تستمعين بثمار جهدك وعملك ومن ابسط حقوقك راتبك مو من حقه يسلبه منك
حتى لو بالطيب
الزياده لك ومن حقك جمعيها و الله يباركلك فيها باذن الله

افتحي حساب بدون بطاقه وحولي عليه ولا ادخلي جمعيه

جمعي لك فلوس من راتبك من غير مايدري وحاولي يقتصد في راتبه وراكم بيت وعيال او اخذيه منه وانتي تصرفي جربي اخذي راتبه وعطيه الي يكفيه !!

خذي راتبك لك وحدك وادخلي جمعيه او خبيه عند احد لين يوصل مبلغ معين يساعدك في شراء منزل او شقه او ارض ان شاء الله لو عشرة سنين ومتعي نفسك بمبلغ معين بسيط
وخذي ورقة وقلم واكتبي راتب زوجك وقولي له انت عندك راتب وتقدر تصرف من غير اسراف ومن غير ما تحتاج سلف ودين واجلسي معه وقسمي الراتب من كهرباء واغراض البيت وفواتير ونزهة وسداد دين
وسوي ظروف لكل خانه واذا استلم الراتب خليه يسحبه من البنك وملئ الظروف واصرفي حاولي تكونين جادة معه وقولي خليها معي هالشهر وشف كيف راح يكون المصروف صدقين بتعبين اول مرة وحاولي واقنعي لين توصلين نتيجة انا بعد محاولة سنة قدرت اقنعه والحين هو يدعي لي صح ايام تجي قحط وما ناخذ سلفيه ونصبر وربي يقدرنا ونسدد المبلغ

طول ماهو ضامن انك بتساعديه وتفزعين له
ماراح يبطل اسرافه وديونه تزيد ماراح تنقص
لازم تخليه يحل مشاكله الماديه بنفسه ويتحمل نتيجة تهوره واسرافه
الله يصلحه ويهديه لك
بعض الرجال يحتاج قرصه تفوقه وتخليه يصحى....