هلا بكل نفرات موزودات هنيا ،هلا بالي دخل وشرف موضوعي ،،
من عضوات ومشرفات وزائرات واخوات غاليات .
هلابكن من ممشاكن لملفاكن
وشلونكم؟
وشعلومكم ؟
بشرونا عنكم ؟؟
أنا وحضرتي بخير وماعندنا خلاف ونزقححححح
اخباركم عقب رمضان ....
ايه الله المستعان ياسرعه قضى الشهر الكريم
عاد لا وصيكن شدن حيلكن وخلصن قضاكن وادركن صوم الست من شوال
وعسى الله يقبل منا ومنكن يارب
انا ولله الحمد مالي قضاء هالسنه وناسه :icon28:
ولا بالعاده ياكافي مابي فرق عن النفساء
هههههههههههههالمهم اتركونا من الهرج الدقاق ونبي ندحدر للماضوع
منول ومبطي ومنذو قديم السمان رمضان الله يشرفه مرتبط بط بط بط
بالسمبوسه والشوربه والشعيريه والفينتو << على قولت دحومي
اضف الى معلوماتك: مبطي ما نأكل السنبوسه الا من رمضان لرمضان
ومن خبتنا به احياناً نأكلهامن الشفاحه وهي نيه هههههههه
لكن الحين يارب لك الحمد
مع كثرة الانعام تغيرت النظريه
وصاررمضان مرتبط بشي مفتلخ اوه قصدي مختلف
قام يطلع لنا قرارات وانظمه تفيد الدوله والمجتمع وشلون؟
انا اقولكن تسيف
كلن يعرف ان الشياطين
تتربط بالشهرالفضيل يعني الواحد منا مابوه حيل
يتصارع مع القرارات اللي غالبا ماتصدر وتطبق برمضان
مثل ربط الحزام الامان،، وادخال زود صفر وخمسه للجوال
ولا حنا مشترينه بصفر وخمسه وحده،،
و برمضان زادو بكيفهم وماقلنا شي وماصار بنا حيل
اسكتنا وعضينا على شحمه
وعقب فتره حطوا سالفة الرديف وسوالف ماله اول
علشان يكون له تالي
يعني بالعربي يلعبون بنا لعب الشطرنج هههههههههه
والكسبان اللي مايتسماش شركة ادفع ولارح طس لموبايلي
هههههههههههه للمعلوميه كلهم بالهواء سواء
الحين خلونا من سواليف اللي تعوررررالجيوب الانفيه
اوووووه قصدي الجيوب والمخابي اللي ماتشوف القروش الا اول الشهر
وربع الشهر كل شي بحححح يروح ويتبخر لمتطلبات المعيشه
هالسنه برمضان الوضع اختلف من حيث القرار الي طلع ..
نزلوا لنا قرار يحافظ على النظافه
و الحضاره والتطور والبيئه وكل المعاني الي وش ملحها ..حطوا غرامات قرنقشيه وماليه للي يجدع زباله وقمامه
وفيه مصطلح اخر لغير الصرقوعات رمي النفايات بالشارع
حتى الي يقول" خم تف " ما راح يسلم انتن عرفتن التاليه
ايه بالضبط هو بذاته اللي يجيب من اتلي بلعومه
عساه الطاعونماتسن بوه اختراع اسمه مناديل ، يتفل بالارض على عينك يا ابو تاجر
ولا يراعي ولايحترم مشاعر الناس الي حوله
يحسب كل الي جمبه من نفس ديرته عندهم عادي
وعععععععععععععععععععععععععععع
لكن المسؤلين ماقصروا طيرو بالسماء عيون
وش كبرها اكبر من عيون البقر بس بدون عدسات ملونه ههههههههههههه
وزعوا لنا وبكل محل نروح له نشرات توضيحه واكياس رزيناها بالسياره
<< يعننا نظيفين خخخخخخخخخخخخ
ووالله يابنات اني من عقب القرارصارت ايديني تحكني ودي اطير منديل
او اكب قوطي ببسي و قارورة ماءاو كرتون عصير مع الدريشه
مير اني تعوذت من سي ابليس
وقلت ما سويتها اول علشان اسويها تالي الله ينعن الشيطان
صارت شنطتي ياكافي ماتاخذ غير مابه من مناديل وقراطيس وفواتير محلات
مالي به سنع بس اني مستحيه اشققها مثل مبطي واطيرهن شوي شوي مع الدريشه
مهوب وصاخه لا
علشان يستانسون البزران
اللي بالسيارات اللي ورانا << عذر اقبح من ذنب خخخخ
حتى الله يسمنكن وتغد ن مثل النفيخات ،،امتلت شنطتي مناديل به علوك معلوكه
حقت دحومي وحقاتي ماقلت لكم غديت مثاليه
وبدل ماجدع بالشارعه صرت اكنز بالضعيفه شنطتي هههههه
فاصل صغينون وراجعين تاني
لكن اللي بوه طبيع مايخلي طبعه والله لو يحطون عيون ضفادع ماينفع معهم شي
ومناظر نشوفها عند بعض المحلات
من قراطيس بطاطس وفشفاشات وفيشارات ومناديل وعلب العصاير
ولو أن صندوق الزباله بعده عنه شبر ،، ماعنّا نفسه وجدعه بوه
وكل شي يهون عند النعمه اللي توطى بالنعال الله لا يواخذنا
ايه كل ذا لان البزر ماعوّد على اللقه والنظافه :3_2_8v: وانه يصير نظيف
ويلق ببيته وبغير بيته
لكن تسيف تجيه حساسيه من النظافه
مادريتوا عن شي شفته بأم وخاله وعمة عيني
يوم وانا واقفه انتظر سواقنا الدلخ ،، ما دريت الا وناس الله يستر علينا وعليهم
راكبين سيارة جديده بقراطيسها
عاد مادري هي كاش ولا تقسيط ادخل على الله
<< اقول اخلصي
اصبرن لاتدفون
المهم الله يطعمهم من خيرها ويكفيهم شرها<<< اقصد السيارة
مادريت الا تجي مرة من الحريم اللي ورا ماتغطت بعد يامال الماحي والمشق
وتفتح الويندو وتجدع منديل عقب مانخررت به
بالله عليكن هذي حضارة ولا تكدم؟؟ ااااااامحق
لا بالله هذي قله ادب ونحو وصرف
ايه ايه ايـــــــــــــــــه مع نففففس عميق
وش تقولون لا جت العله من ولد البطن
انتم تعرفون هالمثل؟؟
ايه هين والله اني ادري ان نصفكن ماغير يدربي راسه
مايدري وش الهرجه!!!!
انا افصح ووضح لكن هرجي واقول لكن:
مره كنت واقفه عند اشارة مليانه سيارات << اجل سياكل؟؟
المهم كان على الجنب عامل نظافه
اللي كنا نسميه مبطي بلدي،، ويوم تمدننا صار عامل نظافه خخخخخخخخخ
المراد انه كان يدهر يكنس ويجمع الاوراق والزبايل والقشاويل اللي بالشارع
مادريت الا يوم لقى علبه ماء مجدوعه بالارض انا قلت يبي يقوم الدنيا ومايقعدها
وهو اللي يتناولها بيده وتدرون وين حطها؟؟
طوحها تطويحه مباشره على حوش جنبه كان مسور بسورررر
بالله عليكن هذي اخلاق وتصرفات رجل مسؤول عن النظافه ؟؟ ااااامحق
اجل ماعلى الباقي شرهه
وقبل الختام خوذن عالسريع
ياليت اميمتي مكتشفه عين تراقبنا لو عين فلبينيه كل شي ينفع خخخخخخخخخخخ
هالكلام يوم كنا صغغغغار يوم كان ناكل فصفصصصص
وندعس وراء المخاد
واذا اكتشفت القشوروقالت منهو اللي مقشر هنا يامال السووووس؟؟
خشينا بعيونها وقلنا مهوب حنا يمكن النمل ههههههههه
وختاماً:
تذكروا مراقبه الله لنا ولجميع اعمالنا بالسر والعلانيه
ابي تعليقكن اوام اوام
ودام الجميع لمن يحبهم وانا أم تأبط شراً منهم