خواتي العزيزات في الله و حواء
من معرفتيه فيكم ما لمست الا الطيبة و السماحة و الكرم و القلب الرحوم
لذا قبل لا الجأ لاي حد قلت اتكلم وياكم كأخت عسى اللي بسويه يكون في ميزان حسناتي و حسناتكم بعد
في لنا اخت في الله بتتزوج جريب, والبنت ظروفها صعبة يتيمة الاب و عايشين تقريبا على المعونات و مساعدة الناس اللي مثلكم و راتب لا يتعدى 1700 من اخوها
الاخت هاي بتعرس في بلادها في اليمن و لذا يالسة تحضر نفسها باي شئ نجود فيه عليها, يعني كل اللي طالبتنه اشياء قديمة و ملبوسة حتى يمكن تلبسها و تحضر لعرسها فيها...
لذا لو كل وحدة فكرت في انه هالبنية ممكن تكون لها اخت في الله اكيد بيكون لها ردة فعل طيبة حيال هلامر.
كل اللي تباه اي شئ ينفع العروس من ثياب و اغراض و لو حتى قديمة ....
انا قلت اللي عندي و الباقي اتركه لقلوبكم الرحيمة اللي اتكيد بتساعد هالاخت باي شكل من الاشكال
انا مستعدة استلم الاغراض و اوصلها لها بس توصلني منكم
البنت قياسها L لارج
13-10-1426 هـ, 11:24 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقها ويفتح ابواب رزقه لاهلها آمين..
=========================
ان شاء الله البنات مابيقصرون..

ليتني اقدر اساعدها..

باذن الله لو حصلت برد..بس قوليلي آخر مهله لاستلام الاغراض متى؟؟
13-10-1426 هـ, 11:38 مساءً
 
المجال مفتوح لين 5 شهور بس البنت تدرين لين ما توصل لها المعونات يبالها وقت
واشكرج يا رجاوي .. على مرورج الطيب
انا ادري انه بنات حواء ما بيخبون ظني ابدا هذيلا خواتي و انا اعرفهم عدل
13-10-1426 هـ, 11:43 مساءً
 
الله يجزاك خير
13-10-1426 هـ, 11:44 مساءً
 
انزين الغاليه بعد استفسار ثاني..

شو من اغراض محتايه...يعني عادي جلابيات..عطور..ولا لازم شي حق يوم العرس..انزين تلبس شيله وعباه؟؟

السموحه ع كثر الاساله بس نبا نطرش شي يلزمها ويناسبها اسمحيلي مره ثانيه ..
13-10-1426 هـ, 11:45 مساءً
 


الساعة الآن 09:20 .