اقتباس مشاركة  (shahr)
الله يسعدكم يا اخواتي لو ابغى اشتري ما رح اشتري الا عن طريق كاتب عدل وتكون بصك
بس ما فهمت عبارة هجر ايش المقصود بكلمة هجر او محافظة وايش العيب بها
والمزاحمية شفتها بجوجل منطقة غرب الرياض وفيها سكان طيب ليه الارض رخيصة والمكان ماهول
الله يسعدكم اخواتي جاوبوني
السلام عليكم


اختي الفاضله الحياه فرص وقدلا تتكرر هذه الفرص
فيه اراضي بين حائل والقصيم المتر بريال لكن لا يمكن يبيعون لك الا فوق ال50 الف متر


انا ساعطيك خلاصة تجربتي وانتي افهمي منها


هل تعرفين منطقة ديراب,,,قبل حوالي 10 سنوات عرضوا علي الاراضي هناك المتر ب5 و10 ريال
وكنت ابغى اشتري
الكل ضحك على خبالتي


اليوم المتر لا يقل عن 200-300 ريال


منطقة العفجه كانت الارض 5000 متر ان كثرت ب50-70 الف روحي شوفي كم قيمة الاراضي


انتي ممكن تشترين ساعه رولكس ب70 الف ريال
ايش بتستفيدين منها؟؟
مممكن يوم تبيعينها بضعف السعر وممكن لا


هالاراضي نفس الشئ بتشترينها عشان تمسك الفلوس
يعني عشان ما تروحين تضيعين الفلوس في شئ ما منه فايده


لكن هاذي الفلوس انتي اساسا مش محتاجتها في الوقت الحاضر
يوم ما تبيعين مستحيل انك تبيعي ارض بالخساره


يعني لو فرضا اشتريتي ارض ب100 الف ريال
وتركتيها وجاء يوم واحتجتي بعد 7 سنوات اقل شئ بتبيعينها ب120 الف ريال
لو الفلوس بيدك كان امداك صرفتيها


فهمتي الفكره؟؟


مثال اخير


انا قبل 15 سنه كنت توني تخرجت من الجامعه ولقيت ارض في العزيزيه بالمنطقه الشرقيه 900 متر ب30 الف ريال


والله العظيم باني فقط دفعت 30 الف ريال جابها لي واحد وقال الارض لقطه لان صاحبها يبغى يبيع ولكن تراها ما تنفع اللحين
بتنفعك بعد 10-15 سنه
قلت مش مشكله خليها تمسك رواتبي بدل ما تضيع هنا وهنا
اشتريتها وحطيت الصك في الصندوق وكنت جدا سعيده لانه اصبحت من اصحاب الاراضي
طلبتني اختي انها تشتريها مني لانها تحتاج ارض وما بتلاقي بهالسعر وهي راتبها ما يجي ربع راتبي


بعتها لها بنفس السعر لاني ما حبيت انها تزعل او تحس باني استكثر عليها أي خير


اليوم ادخلي قوقل وشوفي كم سعر اراضي العزيزيه في مخطط ج
عرضوا عليها 875 الف ورفضت تبيع

وكل اللي اطلبه منك تدعين لاولادي بانه يردهم سالمين غانمين ويطعمني فرحة نجاحهم وازوجهم لمن يسنحقهم ويقدرهم
قولي امين وجميع من يقرا
لا الله الا انت سبحانك اني كنت من الظالمين
صباح الخير للجميع
صحيح الي قالوا عليه الاخوات اغلبها بصكوك لكن تكون بعيده عن المدينه او كانت غرب او جنوب الرياض 
لان الزحف العمراني رايح بتجاه الشمال الرياض 
لدرجة ان ملهم قريه خارج المدينه لكن بتجاه الشمال ارتفعت الاسعارهناك
و كمان زي ماقالت الاخت شنه
خالي اعطته ارامكوا مكافئه قطعة ارض على شاطئ العزيزيه صغيره  المهم خالي استعجل وباعها ب40ألف وبعد 30سنه بيعت بأظن ب58مليون! !!!!
طبعا تبع مشروع على ما أظن
بس هي ارزاق  
كمان امي تقول كانت الاراضي تباع في بنبان  وحي حطين والعيينه والجبيله ب5000ريال قبل 10سنوات والحين زين اذا لقيتيها350ألف


الساعة الآن 11:18 .