السلام عليكم اخواتي

خياط المحل سافر وماراح يجي خلاص لانه تكنسل بسبب الاقامه


الحين فيه بالمحل طلبات الناس الزباين والخياطين لاثنين مايعرفون يتكلمون لاعربي ولا انجليزي


وخايفه يشتكون على المحل هو المحل صغير مال عبايات


وكان هو يدفع الايجار وممشي المحل لانه مردود المحل بارباحه له هو انا بس يخيط لي كل كم شهر عبايه ويعدل لي جلابيه هيك يعني اشياء بسيطه لانه مايقدر يدفع لي يقول مافيه زباين كله خساره


الحين انا احب الخياطه صحيح واحيانا اشوف موديل حلو وينسخه لي ...... لكن امسك محل صعبه


المحل لو هو صغير لكن بوسط سوق معروف بالعبايات فكيف اتصرف ؟


اخلي الاثنين الموجودين مؤقت واستقدم خياط ماستر ؟ ولا كيف العمل احس اني تايهه وخايفه


شلون اصرف اموري بدونه ؟


على فكره كنت اسال جيرانه الخياييط محلي صدق خسران ومافيه زباين ؟ يقولون لي كل يوم ينتج من عشر لخمسة عشر عبايه واسال الخياييط الي عنده بمحلي يقولون كل يوم نشتغل بس الماستر ياخد كل الفلوس حتى معاش مافيه خليت البنغالي الي جمب محلنا يترجم لي

الله يخليكم دبروني اهم حاجه الطلبات مال المحل كيف ادبرها حسبي الله عليه

وهقني وسرق المحل وسافر ......هالمحل فاتح من 17 سنه وطول هالمده وهو يقول مافيه زباين ..... طيب ليش فاتح طالما مافيه ربح ؟ ومنين تدفع رواتب الخياطين وسكنهم واقاماتهم وسفرهم كل سنه لبلادهم وجيتهم كلها فلوس .....انا فكرت قلت لو خسران سكر المحل وسلمني المفتاح


كلمت وحده عندها محل بمجمع اخلي خياطيني يسوون لها تنانير وجلابيات وتبيعهم بنسبتها لين نوقف المحل على رجله بعد هالخساير قالت جيبي لي عينه واشوف5 لان محلها شوي مستواه زين ...... شرايكم بنات بتنجح الفكره يخيطون وابيع جاهز ؟ ولا فيه فكره ثانيه ؟ انجدوني الله يخليكم
20-03-1435 هـ, 11:05 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
معليش هو ما سرقك انتي سلمتيه كل شي بإرادتك
الحين بعد ماسافر وتوهقتي رحتي تسالين وتشوفين المحل يشتغل ولالا
الطبيعي انك تتابعين المحل وتراقبينه وتشوفين انتاجه اما محل باسمك وهو له كل شي وانتي مالك اي ربح مجرد كم عبايه يخيطها لك ويعدل امرك غريب كيف راضيه اذا المحل مايطلع ربح كيف استمر 17 سنه
مالك الا تتفقين مع صاحبه المحل لين تلقين خياط ثاني تنقلين كفالته والافضل تبحثين هنا يمكن تستقدمين ويجيك مايدري عن شي ويحوس المحل والاهم تتابعين محلك واذا بتسلمينه خياط اتفقي معه كل شهر لك ربح معين
21-03-1435 هـ, 06:44 مساءً
 
ماعندي فكرة الله يفرج همك
21-03-1435 هـ, 06:54 مساءً
 
م عندي فكرة بس انصحك تجيبين خياط عدل و امين
او اللي موجودين الاثنين اذا يعرفون يخيطون
خلي اي شخص من جماعتهم يعلمهم عربي بمبلغ
وكذا آحسسن لك
............ز

آختي بخصوص الشعار م قدرت اردلك على خآإص آنتِ م انعة حد يرسلك
كيف اتواصل معاك؟؟
26-03-1435 هـ, 11:32 مساءً
 
اقتباس مشاركة  (beautiful girls)
معليش هو ما سرقك انتي سلمتيه كل شي بإرادتك
الحين بعد ماسافر وتوهقتي رحتي تسالين وتشوفين المحل يشتغل ولالا
الطبيعي انك تتابعين المحل وتراقبينه وتشوفين انتاجه اما محل باسمك وهو له كل شي وانتي مالك اي ربح مجرد كم عبايه يخيطها لك ويعدل امرك غريب كيف راضيه اذا المحل مايطلع ربح كيف استمر 17 سنه
مالك الا تتفقين مع صاحبه المحل لين تلقين خياط ثاني تنقلين كفالته والافضل تبحثين هنا يمكن تستقدمين ويجيك مايدري عن شي ويحوس المحل والاهم تتابعين محلك واذا بتسلمينه خياط اتفقي معه كل شهر لك ربح معين


الحمدلله على كل حال

الي راح راح انا ودي ابداء من جديد ارتب المحل واخيط موديلات جديده مرغوبه واهتم بالديكور مع ان المحل يادووب صغير
الحمدلله بدينا نرتب امور الفواتير للزباين ونرجع فلوس الناس الي دفعوا عربون ومالحق يخيط لهم وكله طبعا من عندي لاني ابي ابداء بدون مشاكل

والله كريم
27-03-1435 هـ, 11:14 مساءً
 


الساعة الآن 11:23 .