هذي صواني سهله ومعتمدتها عندي من زمان
وحلاتها خفيفه مافيها دهون وزيوت




( دجاج وخضار بتتبيلة ماجي )
بالصينيه حطي
قطع دجاج بدون جلد , او قطع صدور دجاج ( 500 غرام يعني نص دجاجه )
خضار اللي متوفر بطاطس , جزر , كوسى , قلقل رومي , بروكلي او زهره ...
مغلف ماجي تتبيلة الدجاج بالكزبره والثوم وضيفي معاها شوي زيت زيتون واخلطيهم كويس
وحطيهم بصينه مقصدره وعالفرن 50 دقيقه حسب حرارة فرنك




( سمك سريع وخفيف )
شرايح سمك فيليه , ليمون , ملح وفلفل اسود وبهارات ايطاليه , شرايح بطاطس رفيعه
بطني الصينيه بشرايح البطاطس ورشي عليها رشة زيت زيتون , ورتبي فوقه السمك بعد ماتتبلينه بالليمون والبهارات
دخلي السمك الفرن واذا قرب يستوي شيلي القصدير عشان يآخذ لون وتحمير




( كفته بالخضار )
لحمه او دجاج مفروم تعجن مع ( كزبره , بصل , نتفه ثوم , بهارات مشكله وملح ) وتكور او تشكل اصابع
حطي بالصينيه الخضار اللي تحبين وتقدرين تقلينهم قبل يعطي طعم لكني ماافضل زيادة الدهون بالطبخ
وفوق الخضار رتبي الكفته
الخطوه الاخيره بالخلاط طماطم وصلصة وماجي واذا تبينها حاره حطي فلفل وصبيها فوق الخضار والكفته ودخليها الفرن
وقبل تطلعينها شيلي القصدير تحمر وتخف مويتها لكن انتبهي تنشف حلاتها مع المرق الثقيل






واذا بتتبلين الدجاج من اللليل هذي وصفيه لذيييذه
( دجاج محمر بالزبادي )
التتبيله ( زبادي - خل - صويا صوص - صلصلة طماطم - ثوم - ملح وفلفل اسود وبهارات )
اقطعي الدجاج بالنص ثمن اضربيها بمطرقة الاسكالوب حتى يتغير عرضها وتنحف
بعدين اعملي شقوق بالدجاج وتبليه بالتتبيله وحاولي تدخلينها بالشقوق وتحت الجلد
وبعد اربع ساعات او ليله دخليها الفرن ولاقاربت تستوي شيلي القصدير واتركيها تحمر وتآخذ لون بني وتقرمش من برى
كل من رد علي الله يحقق لكم مبتاغكم ويرزقكم من فضله
حبيباتي انتم
رفع
اللهم ارزقني الذرية الصالحة ولاتقطع نسلي



الساعة الآن 09:11 .