حبيبتى دى مجربه وهائله وهى من كتاب ايطالى اساسا

النودلز بالسلمون
250 جرام نودلز - 2 علبه -
علبه سلمون ونصف
اطماطمايه
بقدونس مفروم
ليمونه
بوكلى مقطع صغير
2 بيضه مضروبه بالشوكه
جبنه ريكوتا 200 جرام
3 بصلات خضر صغيرين
4/3 كوبايه جبنه شيدر مبشوره - استعملت انا فلمنك -
نسلق النودلز ونصفيها
نهرس السلمون ونضيف له الطماطم وعصير اليمون والبروكلى ونقطع البروكلى صغير جدا ونخلط الكل كويس
نخلط النودلز بالبيض والجبنه الريكوتا والبصل الاخضر
نضغط نصف النودلز فى صينيه - نضغط كويس اوى ثم نضغط عليها مزيج السلمون - انا ضفت للسلمون شويه كاتشب حوالى 2/1 كوب - من دماغى - ونضيف باقى النودلز ونضغط كويس جدا نرش باقى الجبنه المبشوره نخبز الصينيه فى فرن متوسط الحراره لمده 35 دقيقه
تترك تهدء قبل الاكل
انا عملتها بالسلمون يوم فى غذاء للعائله وكانت كنوع مقبلات وفى يوم ثانى حطيت بدل السلمون جمبرى ضغير واستخدمت النودلز الى بالجمبرى ولم اضع بروكلى على الاطلاق
فى يوم ثانى حطيت تونه وكانت روووووووووووعه يمكن عشان انا بحب التونه جدا وحطيت على التونه شرائح بصل مع الخلطه السابقه

فطيره النودلز
المقادير:
2 ملعقه زبد - 200 جرام مشروم مقطع - 2 ملعقه تشيلى صوص - 2 ملعقه صلصه - 1 ملعقه كبيره دقيق- 2/1 كوب ماء - كوب لوبيا مسلوقه - 3/1 كيلو بروكلى - انا بدلته بجزر وبسله- كيس نودلز اى طعم تحبوه - 1 بيضه مضروبه - 2 بططسايه كبيره جدا - 4/1 كوب زبد - 4/1 كوب لبن
نسخن الزبد فى طاسه نضيف المشروم ونقعد نقلب نقلب 10 دقائق لغايه لما لونه يبقى بنى نضيف الفلفل الاسود ونطهيه 5 دقائق كمان ونضيف التشيلى صوص
نخلط الصلصه مع الدقيق لغايه لما تبقى عجينه ناعمه نضيفها للمشروم ونقلب حلو وبعدين نضيف الماء ونتركه لغايه لما يغلظ قوامه وتلقيه بيطلع بقليل كده
نضيف اللوبيا والبروكلى - انا حطيت بسله وجزر مش بحب البروكلى - ممكن على فكره نضيف كمان للبروكلى البسله والجزر ونتركه دقيقتين ونشيله من النار
نسلق النودلز فى ماء زى ما مكتوب على العلبه ونتركها تبرد بعد تصفيتها من الماء طبعا
نخلط النودلز بالبيضه المخفوقه وفى طاجن ممسوح بالزبد نضع النودلز ونضغط عليها كويس اوى - جداااااااااا جداااااااااااااااا- نضع خليط المشروم على النودلز
نسلق البطاطس كويس ونهرسها نضيف لها الزبد الربع كوب واللبن وتهرس لغايه لما تبقى نااااااااااااااااااااااااااااع مه ممكن على فكره تضيفى للبطاطس قشطه اللبن - انا عملت كده بتطلع روعه- نضع البطاطس على وش المشروم ونساوى السطح تدخل الفرن 45 دقيقه وتترك تهدء 5 دقائق
لاتنكسر .. ماأحد ٍ مثل قلبي خسر .. لاينثوي عزمك وحيـــل الله قوي ..قاااادر يفرجها بعد ضيق وعسر
اللهم لك الحمد كما ينبغى لجلال وجهك وعظيم سلطانك
شكشوكةمالحة شكرا لك ها اجربها ان شاء الله.
هبه ازيك حلوه الوصفه دى الواحد يغير شويه وشكرا لك


الساعة الآن 12:26 .