السلام عليكم ورحمة الله وبركاااااته



بسم الله ماشاء الله عليكم يتبنات خصوصا اللي يسووون بوفيهات وماعنده شغاله وعنده اطفال وبزارين 

سؤاااالي هالحين دايم اشووووف كذا طبق رئيسي يعني كيف تقدمونهم ولايبردوون كيف يكووونون صاخنين انا نفسي اسوي 









وابي طريقه الفتوش 🙈🙈🙈

حبيبتي لازم يكون هناك تحضير مسبق للأطباق
بالنسبة للفنوووش سهل ما يبغاله
خيار بندورة خس خبز لبنانب مقطع مربعات ومقلي
ليمون سماق قليل من الملح
قطعي الخضار بس يكون كبير شوي
ضعيها في طبق ورشيها بالملح والليمون والسماق
أخر شى ضعي الخبز قبل التقديم عشان ما يذبل وقدمي
بإذن الله تكوني فهمتي ع شرحي
ممكن تستخدمي الصواني اللي فيها شعله تخلي الاكل يجلس ساخن

الفتوش


طماطم مفروم كبير
خيار بقشره مفروم كبير
رجله منظفه ومقطفه من الاعواد
فلفل رومي مفروم كبير
بصله مقطعه شرائح


تخلط كل المكونات ويوضع عليها من الصلصه الايطاليه ثم تزين بالخبز العربي المحمص او توست محمص ورشة سماك
اذا ما عندك الصلصه الايطاليه اخلطي خل وزيت زيتون وشوي ثوم وملح وفلفل اسود ونعناع ناشف او طازج مفروم
ممكن اضافة خس وبقدونس مفروم
الاكل قبل التقديم دخليه المكرويف وسخنيه

الفتوش خيار طماطم خس بقدونس فلفل بارد بصل اخضر نعناع. فجل احمر ورجلة
وتحطين عليه ملح وسماق وليمون وزيت زيتون
وتحطين زيتون اسود او اخضر وتخلطينهم

تقطعين خبز مربعات وتقلينه وتحطينه فوق
انا طريقتي اقطع السلطه من الظهر قبل يجون الضيوف واجهز الصوص حقها بعلبه واحطه بالثلاجه واكون من اليوم اللي  قبل مسويه حلا مع العشاء مثلا طبقات الكريمه او مهلبيه بعلب البلاستك اللى تكون لها غطاء والعصر او الظهر اسوي مكرونه ولحمه مفرومه واحطها بالصينيه وحطها بالفرن وهو موشغال ووقت تقديم العشاء اجهز البشاميل واحطها عليها واشغل الفرن والظهر اسوي رولات التوست بالتونه واحطهاكمان بالفرن بدون تشغيل ووقت العشاء اجهز خلطه القشطه والجبنه وادخلها هي والمكرونه الفرن بنفس الوقت تتحمر واكون مقطعه دجاج ومتبل من الصباح واول مايدخلون الضيوف واقدم القهوه اروح احط الدجاج والخضروات بالصينيه واحطها بالفرن لمده ساعه او ساعه ونص وبعد الشاي اروح اقلى خضروات عشان سلطات الخضروات وطبعا اللي يسهل الشغل الترتيب والتجهيز من قبل و دايم ادور صواني سهله وتبيض الوجه عشان ما اتعب وسلامتك..وانا كمان عيالي صغار 3 سنوات وسنه ونص وماعندي شغاله الله يقوينا يارب ويسههل امورنا وطبعا الله يخلي لي اخواتى يساعدوني اذا جاوني ضيوف..


الساعة الآن 11:57 .