السلام عليكم ورحمة الله وبركاته..حبيباتي ابغى مساعدتكم ومشورتكم..انا بديت الحمدلله في مشروعي ..الا هو حلا تشيز في علب صغيره وابيع الحبه ع ريالين ..طبعا المشكله مو عارفه كيف احدد الطلبيه مثلا امس وحده طلبتني 20حبه تشيز مشكل توت وفراوله واوريو وجالكسي الحساب40طيب ..بس احس خساره علي ماربحت لان العلب البلاستيك مع اغطيتهم سعرهم 12-الكرتون الابيض الصغير2ريال-الملاعق الصغيرتقريبا5ري ل-حشوه التوت الازرق14-حشوه الفراوله12-الاوريو6ريال-قشطه الخفق13ريال-الجالكسي6ريال-السنكرز3ريال-حبتين قشطه العاديه ب6ريال-حبتين قشطه مراعي6ريال -بسكوت الشاهي بريال-زبده3ريال-الكيك8ريال-جبن الكيري تقريبا5ريال
يعني الحساب تقريبا 98ريال يعني انا خسرانه58..فاتمنى تفيدوني ايش اعمل ..وكيف كمان طريقه تحويل المبلغ هل كامل قبل تسليم الطلبيه او نصه ..ومن فين اقضي العلب البلاستيك والكراتين باقل سعر طبعا من جده..وكمان ابغى اعرف الباي فيلنق اقدر اشتريه واخليه مده طويله في الدولاب ولا يفسد .. وكمان التشيز لو كميه كبيرة كيف ممكن اعمله يعني قبل تسليم الطلبيه بيومين ثلاث اربع ؟!
وياليت اي شيء ممكن يفيدني ياليت تقولولي وايش الاخطاء اللي ممكن اتجنبها ..واكون شاكره لكم
المفروض تسوين حسبتك قبل تحددين الأسعار ياقلبي وكمان ماحسبتي تعبك ووقفتك بالمطبخ أتمنى تراجعي حساباتك وبالتوفيق 
وكمان التوصيل كيف ممكن ادبره..لان ماعندي توصيل
ما شاء الله

ربي يبارك لك و يرقك من واسع فضله

رتبي امورك تمام عشان ما تطلعي خسرانة و جعلك دوم ربحانة اللهم امين

انتي اعملي كمية و احصري كل المواد الي استخدمتيها و اسعارها و قسمي
المبلغ على عدد قطع التشيز كيك الي عملتيها و بعدين ضيفي عليها مبلغ اضافي و هو حساب شغل يدك

و بالنسبة للباي فيلنغ اكيد لو اخذتي كمية ينفع تتخزن

بس عندي لك افكار ممكن تساعدك ... ما فكرتي تجربي الفواكة المجمدة تعمليها مثل الباي فيلنغ ؟ عندك الفراولة تلقيها مجمدة و كمان المنجا و في بعد الجوافة انا لاحظت انها ارخص من المعلبة و عندك بعد انواع التوت تتوفر مرات مجمدة

بالنسبة للحشوة ممكن جدا تعمليها قبل بيومين و بالعكس تطلع احلى و تتماسك بس بشرط ما تكون مكشوفة في الثلاجة عشان ما تاخذمن ريحة الثلاجة و الطرقة المثلى هنا انك تعبيها بكيس بلاستك و تدفعيها لزاوية الكيس و تحكمي غلقة من فوق و لما تجي تستعلمية تقصي الحافة و تبتدي تعبي حتى اسهل لك في التعبئة و ارتب ... اقصد هناك اكياس البلاستك الشفافة الي تجي سميكة الي نستخدمها لتكييس اللحم و المواد الغذائية للفريزر

عندك القاعدة نوعي لا تستخدمي بسكوت على طول ...اعملي انتي كيك سادة و قسميه شرايح بالاول و بعدين قصيه على قياس قاعدة العلبة الي حتعبي فيها و الزوائد فتتيها كمان و اكبسيها في قاعدة العلبة اعتقد كذاا اوفر لك من البسكوت و ايضا تغيير

اتمنى اكون افدتك ربي يفتح عليكي و يرزقك من وااسع فضله اللهم امين
بالتوفيق


الساعة الآن 03:21 .