Analysis Services
مساء الخير يا حريم 
بقولكم انا تقريبا لي سنه متزوجة بدون اطفال وعايشه بغربه كل هذي المقدمات عشان تعرفون أن الغذاء لشخصين فقط انا وزوجي 
المشكلة اكلنا أحاول اسويه على قدنا حرام بعضه ينكب خاصه زوجي ما يأكل كثير للحفاظ على وزنه وانا مثله 
المشكلة أغلب الاكلات الذيذه يبغالها عدد من ثلاث وفوق عشان تتفنني وانا أحاول اتفنن لكن مقاديرقليله وصراحة أحس فشلت 
ابغئ من الستات البيوت يعطوني اكلات حق نفرين ههههه حست نفسي بمطعم 
ويكون مفيد نوعا ما 
مع العلم زوجي ما يحب ايدامات الخضار مثل الباميه والمسقعه والخ 
11-04-1435 هـ, 02:33 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انتي حبيبتي قدري الكميه مثلاً المكروونه مو بلازم تسلقي كل الكيس ..
واشتري صواني فرن صغيره ..
مثلاً كيلو اللحم المفرووم اول ماا تشترينه قسميه على 5اكياس صغيره وأفرديهاا في الكيس حتى ماا تاخذو قت لا بغيتي تطبخينهاا .. وتكون الكميه مناسبه لطبخك ..

والبااشميل نفس الشي سووي الكميه اللي دووم تسووينهاا واذا شفتيهاا كثير على صينيتك حطيهاا في حافظه بلاستيك واستخدميهاا لوصفه ثانيه..
بعدهاا بيومين مثل صينية الخضاار ..
او مثل اللازانياا .
او الدجاج بالكريمه والفطر والبااشماايل ..

************
مثلاً 2 صدر دجاج كافيه لوجبة شخصين ..
اذا كنتي تبينهاا اسكالوب دجاج اقسمي كل قطعه لأثنين وسووي معه حبيتين بطاطس كبيره مقليه ....
اواذا تبينهاا فيليه دجاج قطعيه اربعه قطع بالطوول .. وكملي طريقتهاا ...(بيضه وبقسماط وبهارمشكل وشووي بهار حار
يعني وقيسي على كذاا ..
*********
الكبسه اختاري مثلاُ من الدجاج الشي اللي تاكلوونه مثلاً صدوردجاج او افخاذ ..
واطبخي لكل واحد قطعه ..
وكاسة رز للكبسه ..
أظن تكفيكم مع صحن سلطه ....
واي استفساار تحت امرك يااعسل ..
11-04-1435 هـ, 08:13 مساءً
 
رفع
11-04-1435 هـ, 08:38 مساءً
 
انتي اقسمي مقادير اي طبخه تحبينها
عادي مايفرق ابد
12-04-1435 هـ, 12:12 صباحاً
 
بالنسبة للدجاج اشتريه مبرد وقصصيه بعدين فرزنيه
وطلعي اللي يكفيكم مثلا نص دجاجة واحد منكم الصدر والثاني الفخذ ولو كلكم تحبون صدور او افخاذ خذي صحن صدور او صحن افخاذ وكل مرة طلعي قطعتين

اشتري بايركس اصغر حجم وسوي فيه الصواني والمكرونات

الخضار اشتري الحجم الصغير عشان لا جيتي تطبخين وحطيتي من كل نوع حبة بيكون كثير فانتي خذي احجام اصلا صغيرة

كل طبخه اقسمي مقدارها للنص مثلا علبة قشطة حطي نص علبة والنص الثاني غلفيه وخليه بالثلاجة

الرز سوي مقدار ولو زاد بكرة قللي المقدار لين توصلين للمقدار اللي يكفيكم ولا يزيد عن حاجتكم

بالنسبة لبعض الطبخات اللي انصحك فيها وتنفع لشخصين تلقينها بقووقل

صينية الخضار البيضاء
صينية الدجاج مع الرز بقشطة الخفق
مكرونة بشاميل (حطي نص كيس مكرونة او اقل)
جريش (سوي كاس واحد)
دجاج بالفرن مع الخضار ورز ابيض

دعواتك
12-04-1435 هـ, 01:57 صباحاً
 


الساعة الآن 09:15 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏