بنت ريلي وحواته حولوا حياتي جحيم :(

السلام عليكم ورحمة الله وبركاته

بنات انا تعبانه نفسيا بسبة اهل ريلي والله وماكتبت هني الا عشان الاقي اراء حكيمة من البنات ةاتمنى تحطون نفسكم بمكاني وتجاوبون بكل صراحه ... انا قبل 5 سنوات ونص تزوجت وياليتني ما تزوجت للاسف تزوجت ريال عنده بنت من زواج سابق ... واول ما جفتها حبيت البنت حسيتها بريئه ومالها ذنب بس مع الايام اكتشفت انه اهل ريلي وخصوصا خواته الكبار مب متزوجات كانوا يستخدمونها علشان يتدخلون بحياتي انا وزوجي يعني مثلا يسئلون وين رايحين ورادين واذا البنت طلعت من البيت يقولون اني طردتها مع انها صغيره تحب تلعب وما تيلس ... حتى لما اتقرب منها والبسها واسويلها شعرها يخربون الي سويته يطرشونها لي علشان اجوف وانقهر ... المهم صارت مشاكل وايد بسبب هالشي بعدين رموا البنت علي وقالوا لاخوهم نحن ما بخصنا في بنتك مع اني قلتلهم قبل الزواج انا مابا اربيها وهم قالوا نحن بنربيها المهم البنت صارت تروح معاي كل مكان حتى يوم ربيت ما كانوا يستحون كانوا ايبونا عندي ببيت اهلي وانا نفاس وانا سكت وحبيتها وربيتها كانها بنتي بس هالفتره الاخيره من سنتين تقريبا يوم كبرت وشلت نفسها قاموا يشلونها ورجعوا يتدخلون بحياتي وليش وليش المهم البنت تغيرت قامت تقل ادبها معاي وما تحترمني لانه خوات ريلي يحبون يعلمونها تسب وقلة الادب حتى صاروا يطلعونها بدون استئذان واذا الشغاله خبرتني نازعوا الشغاله وهددوها المهم انه البنت صارت تطول لسانها وايد وانا ما عايبني الوضع وهي تروح كل يوم بيت عمتها وتتعلم الكلام المب حلو والضرابه وتيي تطبقها على عيالي .. المهم كل يوم تضرب عيالي وتسبهم يالحيوانات ووالله يقربلكم ادعيه وكلام مب حلو وكلمتها كم مره ما تسمع كلامي وريلي دايما يوقف معاها حتى يوم تضرب يسكت ما يكلمها بس اذا حد ضربها من عيالي يضربهم المهم اليوم وككل يوم ضرت بنتي الصغيره ودزتها وهي البنت ما سوت شي انا جفتها من ورا الباب تضايقت ناديتها وكلمتها واستفزتني انها ما تحترمني وتصارخ ودزيتها من القهر راحت خبرت اهل ريلي وكلهم انقلبوا ضدي وشلوا ولدي الصغير وضربوه وحبسوه يا بنات والله تعبت من الوضع مافي احترام لي تخيلوا انهم خوات ريلي يدخلون بيتي وما يسلمون وينازعون عيالي يطلعون كاني جدار ووايد مواقف يقلبون ريلي علي وايي ريلي يضربني المهم زوجي اليوم هددني بالضرب وكان يلحقني يبا يضربني انا قلتله خلاص مليت من عيشتي معاك شوره عند حواته اي شيء يقولونه يصدقهم وانا يوم اتكلم يسبني تخيلوا انه خواته يتدخلون في ولدي ويطلعونه مكان ما يبون وغصبا عني وريلي يقولي انتي مالك دخل واذا تكلمت يضربني وحتى يوم سافرت في اول زواجي كان كل ما يكلمهم يضاربني عشانهم ومن دون سبب انا تعبت من حياتي مافي خصوصه حتى اخوان يتدخلون بحياتنا وبنت ريلي للاسف صارت طبق الاصل من عمتها اخت زوجي لسانها سليط ساعدومي بالحلول جزاكم الله االجنه افكر اشرد مع التاكسي واروح لمنطقه اهلي تبعد 3 ساعات بليز لا تدعو على زوجي وشكرا