أختي قبل ماتبدين تخلطين شغلي الفرن من تحت
وحطي درجة الحراره المناسبه للكيك حسب فرنج ( و انتبهي ماينفع تشغلين الفرن ويوم تدخلين الكيك تنقصين او تزيدين درجة الحراره غلط .. لازم من البدايه تحطينه على الحراره اللي بتحتاجينه لخبز الكيك )
حطي الرف ف المنتصف
ادهني الصينيه و خليها جاهزه
لازم كل المقادير تكون بدرجة حرارة الغرفه
و انخلي الطحين والبكنج باودر بالمنخل وحاولي ترفعين يدك عشان يدخله اكبر كميه من الهوا
وابدي اخلطي الكيك بس لازم من تبدين الين تخلصين تخلطين باتجاه واحد
و اذا ضفتي الطحين لاتطولين بالخلط و اخلطي بخفه و باتجاه واحد اول مايندمج مع الخليط صبيه في الصينيه ودخليه الفرن
لاتفتحين الفرن الا بعد 30 دقيقه قبل ال 30 لاتفتحينه ابدااااا بعد كذا تقدرين تفتحين بهدوء وتختبرين الكيك بعود اسنان اذا استوى شغلي النار من فوق

بالتوفيق
ماشاءالله ما قصروا البنات
حبيبتي هذي طريقة كيكه مضمونه ١٠٠٪ إن شاء الله
علبة زبادي ،،وبنفس علبة الزبادي تقيسي باقي المقادير،،
زيت ،،سكر،،
٣بيضات
ملعقة بيكنج بودر كبيره
فانيلآ
تخلطينهم مع بعض
بعدين تضيفين الدقيق ولا تخلي المزيج سائل مره بعدين ما يتماسك ولا ثخين لأن ماراح يضبط خليه وسط يطلع أوكيه ان شاء الله
وادهني الصينية بشوووووي زيت وصبي الخليط طبعآ اذا بديتي تجهزي الخلطه حمي الفرن من تحت بس وخليها ٢٥دقيقه لا تفتحين الفرن ابدآ ولا بيخرب شغلك
بعد٢٥افتحي الفرن وشوفي نضجت وأخذت لون ولا لا بعدها اذا تلونت من تحت شغلي الفرن من فوق الين تصير ذهبية وإذا خلصت وطلعتيها صبي عليها نص علبة نستله كبيره وهي حااااره ورشي عليها سميد محمص شوي ولا جوز هند ولا فستق مطحون وبالعافيه
دعواتك احمل هالشهر
ان شاء الله ياميمو نكون انا وانتي من حوامل هالشهر باذن الواحد الاحد
وبس حبيت ازيد على وصفتك ان الدقييق تقيسه بنفس علبة الزبادي يعني علبه وحده دقيق وسكر وزيت وبيضتين وم 1فانيلا وبكينج وعالفرن لمدة 20 دقيقه فقط وطفي من تحت وشغلي من فوق 5دقايق لحد التحمير وطفي ونفس اللي قالت عليها ميمو وياسلاااام 
ام فووووفي أمين يااااااقلبي اميييييييين يااااارب تسلمين وربي فرحتني دعوتك يسلموووو


الساعة الآن 03:02 .