السلام عليكم ورحمة الله وبركاته
اشكر كل من سال وتواصل معاي بخصوص مشكلة طفلي وكل اللي ارسلوا لي ارقام عيادات ومعالجات ومشايخ جعلها الله في ميزان حسناتكم
الحمدلله على كل حال سوينا له اليوم اشعة صبغة واتضح ان عنده توسع تقريبا بين المعدة والمرئ اوفي نهاية المرئ يبلغ 18 مل والطبيعي مداه 11 مل ماقدرت اركز يوم سمعت المقاسات استغفر الله يارب
الحمدلله على كل شئ وهذا اللي يخليه يطلع كل اللي في بطنه يوميا على اتفه مسبب والحين بسم الله عليه بيكمل سنة وهو مواصل نوافير التطريش ولارضا الدكتور يقولنا وش الاجراء سألته تدخل جراحي لتضييق التوسع او ادوية قال ياكذا او كذا
ادخلوا بعد كم يوم موعدكم عند الدكتور وهو بيجاوبكم
الله يعافيكم من طلع عند طفلها توسع بهالحجم وش سووا له .. استغفر الله احس مارح اخليهم يسوون له لاعملية ولا منظار يكفيه عذاب
مسيكين كاسر خاطري والله جايتني العبرة الحين نام شوي وطول ماهو نايم اسمع انينه ووجهه يقتلب خايف وصحى مرعوب يصيح من الخوف من كثر مامسكوه اليوم وبيشربونه الصبغة بالغصب وهو خايف ويثبتونه تحت جهاز الاشعة ماسكين رجوله ويدينه وهو يغص بيطرش من كثر ماصاح وبعد يومين عنده فحوصات دم الله يشفيه تعذب مابين الدكاترة والمعالجات الشعبيات سنة كاملة قضاها علاجات وادوية تطريش وفحوصات وابر وتحاليل وتطريش يااااااااااااااااااارب يااااااااالله ترحم ضعفنا وتشفيه بحولك وبقوتك
دعواتكم يااخوات الله يجزاكم خيرويوفقكم
أم جقوري @am_gkory
عضوة نشيطة
يلزم عليك تسجيل الدخول أولًا لكتابة تعليق.
jam781
•
زهرة الروائع :الله يشفيه ويحفظه لكالله يشفيه ويحفظه لك
الله يشفيه ويخليه لك...
خساره لوسويتي الصبغة وهواصغر من كذا كان احسن
وربي يطمنك عليه ...
خساره لوسويتي الصبغة وهواصغر من كذا كان احسن
وربي يطمنك عليه ...
أم جقوري
•
اللهم آمين الله يشفيه والله يجزاكم خير
صدقتي لو كنت مسويتها من عمره صغير كان ارتاح وارتحت
لاتلوموني يابنات ادري مخطية وحتى الدكتور عاتبنا اليوم قال ليش أخرتوه ومعه حق
لكن من كثر حبي له عسى الله يخليه لعيوني خفت عليه من الصبغة والمناظير
قلت انتظر يمكن يتعافى لاكبر والحمدلله على كل شي تصدقون حتى لاجيت اطعمه اطوف في مواعيده كله مابيه يبكي ولا ابي شي يالمه واحيانا لاوديته للتطعيم اقعد ابكي استغفر الله والممرضات والله يتأثرون مالي غيره بعد الله وانا مو صغيرة عسى الله يرزقه الاخوان ويخليه لي ويشفيه ويعافيه اللهم آمين
صدقتي لو كنت مسويتها من عمره صغير كان ارتاح وارتحت
لاتلوموني يابنات ادري مخطية وحتى الدكتور عاتبنا اليوم قال ليش أخرتوه ومعه حق
لكن من كثر حبي له عسى الله يخليه لعيوني خفت عليه من الصبغة والمناظير
قلت انتظر يمكن يتعافى لاكبر والحمدلله على كل شي تصدقون حتى لاجيت اطعمه اطوف في مواعيده كله مابيه يبكي ولا ابي شي يالمه واحيانا لاوديته للتطعيم اقعد ابكي استغفر الله والممرضات والله يتأثرون مالي غيره بعد الله وانا مو صغيرة عسى الله يرزقه الاخوان ويخليه لي ويشفيه ويعافيه اللهم آمين
الصفحة الأخيرة
غيراني بدعي الله يشفي ولدك من كل مرض
اوشرويحفظه لك وتشوفيه باحسن حال