السلام عليكم

يا اخواتي انا ماعمري طبخت الروبيان

وبحثت هنا ولاعرفت من وين تشترونه هل فيه مجمد او شي بقشر ترا مادري وش السالفه

وكم مده الطبخ..؟. وايش افضل الانواع...؟ والاسعار


اقدر اصلح صواني فرن روبيان وتكون لذيذه...


والله دعوات خاصه لها في صلاه الليل بسجود ادعي لها... ماعرف اطبخ السمك ولاروبيان والناس ماشاءلله يسوون كبسان وصواني ابغى طرق سهله وتضبط ودي ونفسسي اسوي رز بسمك او روبيان
رفع
شوفي حبيبتي احسن لك انك تشترينه طاااازج
وتغسلينه وتنظفيينه زيييين
وبعدين تقطعين طماطم وبصل وثوم وبالقدر حطي زيت وحطي البصل ثم الثوم والطماطم
وبعدين حطي بهارات تكون خاصه بالسمك وحطي البهارات الي تبغيهاا والكركم واذا بغيتي حطي فلفل اخضر او احمر واتركيها تتسبك زين وبعدين اضيفي الروبيان وحطي المويه الي تشوفينها مناسبه لاستواء الروبيان بس لاتكثرين
واتركيها نص ساعه على النار او على حسب استواء الروبيان وبعدين حطيها بصينية الفرن وعلى الفرن لمده عشر دقائق وطلعيها ورشيها بالكزبره والبقدونس وتمتعي باحلى صينيه روبيان
هذي طريقتي اتمنى تنال رضاك
وبالعافيه على قلبك
دعوااااتك
شوفي قلبي اول شي تشترينه من سوق السمك وخلي راعيه ينظفه زين يوخر القشره والراس والذيل ويوخر الخيط الاسود الي ورا واذا ما وخره انتي اقطعي خط طولي وطلعي الخيط الاسود منه وغسليه بمويا وليمون وبعدين حطي بهارات مشكله وملح وكمون وشوي فلفل اسود وغمسيه في بيض وبعده في بقسماط وشوي كورن فليكس مكسر مع البقسماط وبعدين على طول على زيت حامي وقلبيه في الزيت لمن يصير ذهبي وطلعيه وحطيه على جنب

وبعدبن سوي رز ابيض عادي
وبعدين قطعي بصل جوانح كثري بصل وابشري جزر وقطعي فلفل رومي طوال وحطي البصل مع زيت لمن يتحمر وبعده الفلفل الرومي وبعده الخيار ووحطي ملح وشوي قرفه مطحونه واخر شي حطي الزبيب وحركي وبعدين جيبي الربيان المقلي وحطيه على الخلطه وحركي بشويش عشان مايتفتت وبعدين حطي نص الرز وبعده الحشو وبعده رز واقلبيه بصحن التقديم واذا عندك صحون مجوفه تقدرين تسوين الطريقه كل واحد وصحنه وبعد تقدري تتبلي الربيان قبل بيوم وتحطيه بالثلاجه

طبعن الرز مسلوق بمويا وملح وزيت وبهارات صحيحه قرفه وقرنفل وهيل




معليش كلامي مو مرتب تكفين ادعي لي بالذريه عاجل غير اجل
حبيبتي الروبيان الطازج تنظيفه زي ما قالو الأخوات

وفيه مجمد هذا منظف ومقشر افضل نوع شركة الكبير

وممكن تسوين الروبيان مع بصل شرائح وثوم وزنجبيل وفلفل بارد ملون فالزيت وتحطي معاه

صويا صوص اذا تحبين الأكل الصيني وتقدميه مع مكرونة مسلوقة او رز صيني بالخضار المجمدة

والروبيان ما يأخذ وقت طويل بالطبخ عشان لايقسى معاك

دعواتك لي بالذرية الصالحة طلبتك تكفين

وإذا بغيتي طبخات للسمك راسليني عالخاص
اللهم إحفظ بنتي وزوجي وأهلي من أعين الإنس وأنفس الجن


الساعة الآن 10:40 .