Analysis Services
  • «
  • <
  • 1
  • 2
  • »
دايم اشتريه طازج وانظفه واشيل الراس والذيل

والقشور واغسله بماء وخل وليمون واسويه على رز برياني يجننننن
22-04-1435 هـ, 05:24 مساءً
 
اقتباس مشاركة  (زوجي اغلى ناسي ..)
شوفي حبيبتي احسن لك انك تشترينه طاااازج
وتغسلينه وتنظفيينه زيييين
وبعدين تقطعين طماطم وبصل وثوم وبالقدر حطي زيت وحطي البصل ثم الثوم والطماطم
وبعدين حطي بهارات تكون خاصه بالسمك وحطي البهارات الي تبغيهاا والكركم واذا بغيتي حطي فلفل اخضر او احمر واتركيها تتسبك زين وبعدين اضيفي الروبيان وحطي المويه الي تشوفينها مناسبه لاستواء الروبيان بس لاتكثرين
واتركيها نص ساعه على النار او على حسب استواء الروبيان وبعدين حطيها بصينية الفرن وعلى الفرن لمده عشر دقائق وطلعيها ورشيها بالكزبره والبقدونس وتمتعي باحلى صينيه روبيان
هذي طريقتي اتمنى تنال رضاك
وبالعافيه على قلبك
دعوااااتك
اقتباس مشاركة  (اظحك وانا كلي شتات)
شوفي قلبي اول شي تشترينه من سوق السمك وخلي راعيه ينظفه زين يوخر القشره والراس والذيل ويوخر الخيط الاسود الي ورا واذا ما وخره انتي اقطعي خط طولي وطلعي الخيط الاسود منه وغسليه بمويا وليمون وبعدين حطي بهارات مشكله وملح وكمون وشوي فلفل اسود وغمسيه في بيض وبعده في بقسماط وشوي كورن فليكس مكسر مع البقسماط وبعدين على طول على زيت حامي وقلبيه في الزيت لمن يصير ذهبي وطلعيه وحطيه على جنب

وبعدبن سوي رز ابيض عادي
وبعدين قطعي بصل جوانح كثري بصل وابشري جزر وقطعي فلفل رومي طوال وحطي البصل مع زيت لمن يتحمر وبعده الفلفل الرومي وبعده الخيار ووحطي ملح وشوي قرفه مطحونه واخر شي حطي الزبيب وحركي وبعدين جيبي الربيان المقلي وحطيه على الخلطه وحركي بشويش عشان مايتفتت وبعدين حطي نص الرز وبعده الحشو وبعده رز واقلبيه بصحن التقديم واذا عندك صحون مجوفه تقدرين تسوين الطريقه كل واحد وصحنه وبعد تقدري تتبلي الربيان قبل بيوم وتحطيه بالثلاجه

طبعن الرز مسلوق بمويا وملح وزيت وبهارات صحيحه قرفه وقرنفل وهيل




معليش كلامي مو مرتب تكفين ادعي لي بالذريه عاجل غير اجل
اقتباس مشاركة  (ام هتاااااان)
حبيبتي الروبيان الطازج تنظيفه زي ما قالو الأخوات

وفيه مجمد هذا منظف ومقشر افضل نوع شركة الكبير

وممكن تسوين الروبيان مع بصل شرائح وثوم وزنجبيل وفلفل بارد ملون فالزيت وتحطي معاه

صويا صوص اذا تحبين الأكل الصيني وتقدميه مع مكرونة مسلوقة او رز صيني بالخضار المجمدة

والروبيان ما يأخذ وقت طويل بالطبخ عشان لايقسى معاك

دعواتك لي بالذرية الصالحة طلبتك تكفين

وإذا بغيتي طبخات للسمك راسليني عالخاص
اقتباس مشاركة  (المتفائله2014)
دايم اشتريه طازج وانظفه واشيل الراس والذيل

والقشور واغسله بماء وخل وليمون واسويه على رز برياني يجننننن


الله يجزاكم الجنه ويفتحها لكم ويحقق لكم ماتتمنون... كل وحده ردت بدعليهااا والله يجزاكم خيرررر

شكررررررراااااا لكم جميعاً
22-04-1435 هـ, 08:19 مساءً
 
فيه ربيان مجمد بالثلاجات ويكون ارخص من اللي تشترينه من محلات السمك
لكن الافضل هو اللي تاخذينه من محلات الاسماك
وفيه منه احجام
الصغير مو حلو لانه بالطبخ يصغر بزياده
اغلب اللي يجي مجمد وتشترينه من الثلاجات يكون صغير ، لكن ممكن لو تدورين تلقين مجمد كبير

انا اسويه عالطريقه الهنديه بالزبادي

اول شيء اقطع بصل واحمسه مع زيت الى ان يذبل
ثم اضيف الثوم والفلفل الحار والزنجبيل المبشور واخلي النار واااطيه مرة واقلبهم واحط الملح والبهار والكركم
ثم اخلط نصف زبادي تقريبا مع ملعقه طحينة سايله واصبه على الربيان واتركهم ينطبخون مده خمس دقايق لان الربيان كل ما زادت مدة طبخه بعد ما ينضج يقسى
ويصير زي الحمسة ونحطه طبق جانبي مع رز ابيض
ولا نأكله مع الخبز
23-04-1435 هـ, 12:22 صباحاً
 


الساعة الآن 03:08 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏