السلام عليكم ياطباخات 
ناويه اعزم جاراتي يوم الخميس طبعا سمره 
وعددهم 8 ماشاء الله مع عيالهم  ماشاء الله كل وحده معاها اربعه او ثلاثه 
وطبعا كل مانسهر لازم العشاء كبسه 
وانا ودي اغير واسوي بوفيه صغير ومحترم 
                             الحلا 
                 بسوي كيكة شوكولاته 
      وحلا خفيف وسهل مابي شي معقد وغير كذا هم مايقصرون كل وحده                             تدخل بيدها شي 
                           الموالح 
                  بسوي سمبوسه لحم       
وجيب التاجر اتوقع اسمها اللي بالتوست محشيه ومقليه بالزيت 
                       العشاء ومادراك مالعشى 
                 بسوي صينيه مكرونه بشميل 
                          ورز كشري 
                  وشوربه مطعم الرومانسيه 
                      وايدام باذنجان مدخن 
                   

وطبعا العصيرات والشطه ونوع سلطه باقي ماستقريت عليه 
اللي عندها حلا سهل وبسيط باليت تسدحه وهل الاصناف بتكفي للعدد اللي ذكرته طبعا مع العيال اسم الله عليهم عددهم كبير  
واللي عندها اضافات تقوله ودي بشى مرتب ومو مكلف في نفس الوقت ولا يجهد لاني بفرزن واشتغل من بدري بس اصناف العشى بجهزها نفس اليوم 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
خلي نوع واحد نشويات يارز يامكرونه لانك بتسوين سمبوسه وجيب التاجر
مع ان الرز ماأحب احط معه مقليات لانه ثقيل والكشري حلو فيه رز ومكرونه جامعهم
بدال مكرونة البشمل حطي صينية دجاج او دجاج بالفرن يمشي مع الكشري ومكمل له (بروتين)
بدل المقليات حطي سلطات افضل واخف ( سلطه خضرا عاديه بس حطي فوقها صوص الزبادي-زبادي شوي ملح وثوم مهروس وسماق ونص كمية الزبادي لبنه -اذيذه )
سلطة خيار بالزبادي -سلطة ملفوف ( ملفوف ملون ومقطع شرائح وشمندر مقطع شرائح- مع شوي خل وليمون وزيت زيتون رشة ملح )
سلطة الملفوف مع الجزر والزبادي ولبنه ( الخضر شرائح رفيعه - علبة زبادي ونص العلبة لبنه )
سلطة الطبقات ( اي شي بس كل نوع طبقه شكل حلو وفخم خصوصا مع صحن عميق وقزاز شفاف
الشوربه حلو والايدام حلو
بالنسبه للأطفال ممكن تسوين لهم ساندويتشات البرقر مع بطاطس وسلطه
حلا بعد العشاء صراحه ماعمري فكرة اسويه احس اللحمدالله الواحد خلاص شبع من العشاء وحلا القهوه واذا كلش بسوي فا( كريم كرميل جلي معلبيه ) بس حلاة بعد العشاء الششششششاي
وبس
موفقه
بما ان العدد كبير سوي برياني ومعها سلطه نوع واحد وورق عنب ممكن حق العلب فيكتوريا حلو ونوع حلى سهل التحضير ممكن سوفليه الأوريو في القصادير الصغيره ينوكل وينرمي.
وألا أجهزي نفسك من بدري وسويها مثلوثه وسلطه ونوع حلى ولبن .
لاتكثرين أصناف تتوهقين وإذا جمعتكم وقتها موب طويل لاتحطين مع القهوه ألا التمر وممكن يكون رطب أو تمرمحشي والشاهي بدون شي .
سوي حلا كاسات بالعلب البلاستك الشفافه
الطبقه الاولى شعيريه باكستانيه تحمسينها بزبده وبعدين تصبين عليها مويا مغلي مضاف له ظرف كريم كرامل وتحركينه عالنار لين تصير لينه مره
وتحطينها بالكاسات كطبقه اولى
الطبقه الثانيه تخلطين دريم ويب وقشطه وجبنه كيري وتصبينها وفوق تبشرين اي بسكوت جلكسي اوكت كات
وتحطين للتزيين اي اصابع شكولاته

وسويه قبل العشاء بيوم او يومين
""""""""""""""


الساعة الآن 06:27 .