Analysis Services
عزيزتي * السلام عليكم ورحمة الله وبركاته لوسمحتن اريد طريقة عمل الاكلة الشعبية 0 الحنيني 0
على الطريقه النجديه 0 الحلوه0 وشكرا من كل قلبي0
16-10-1426 هـ, 07:48 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أمي تعمل الحنيني بالعجين ومكسور علي وجها بيض .. موهيك المطلوب ؟
أسألها الطريقة أختي وردة الخزامي؟أ
16-10-1426 هـ, 08:00 مساءً
 
الطريقة التقليدية للحنيني اللي يسوويها اهل نجد والشمال:
راح اقولك اياها لكن اعذريني المقادير بالضبط ماقدر لاني اسويها كذا بالنظر:

المقادير:
تمر من النوع اللي يكون لونه اسود ومتلاصق مع بعضه مادري وش اسمه( مااعرف اسمه لاني مو خبرة بانواع التمر)النوع اللي يكون مرصوص بكيس بلاستيك وبينه دبس احيانا...

سمن بري...او زبده افضل

كمية من القرصان( الصبيب)

ليمون

ماء ...

الطريقة:
انقعي التمر بقدر مويه دافئة المقدار حسب اللي تحتاجين سواء بقدر كبير او وسط او صغير.. وبيدك حاولي تهرسين التمر بالماء وتستخرجين البذر وتهرسين لما تصير الموية لونها بلون التمر...وطعمها يكون حالي بطعم التمر(لازم تذوقين حلا الموية) وكلما حسيتي ان مابها طعم زيدي التمر لما يطلع طعمها زين...

هنا صفي المويه من التمر....

هاتي القرصان وكسريه بقدر ثاني...وصبي عليه من الزبدة السايحة كميتها حسب الرغبة...وحركي القصان مع الزبدة عشان يتشربها..
صبي عليهم عصير ليمونة ولو كان الاخضر البلدي الكبير اطعم..ولو ماعندك الا الاصفر ok
هاتي موية التمر وصبيها بالتدريج على القرصان وحركي عشان يشرب الموية زين...
فيه ناس يحبونه لين ويكثرون الموية...
وفيه ناس تحبه ناشف شوي بتخفيف الموية....اذا حسيتي انها وصلت للشكل المطلوب...حطيها على النار وحركيها لمجرد التسخين قبل الاكل........

وعليك بالعافية........................
16-10-1426 هـ, 09:41 مساءً
 
أنا أعرف طريقة مرررره غير وأنا نجدية

واول مره أسمع بطريقتك هذي للحنيني؟

طريقة جدتي الله يحفظها
تسوي عجين بر لين وترقه وتقليه وبعدها تاخذ التمر المطروق ( هذا اسمه للأخت ليان) المنزوع النوى وتفرمهم سوا في الفرامة =تاخذ تمرة وتلفها بالخبزة وتدخلها الفرامة) الي أن ينتهي المقدار يصير لون بني فاتح
وبعدها تضعه في قدر وتحط شوي سمن وتخليه على النار شو لمن يجهز ويصير لونه بني غامق وشكله يشبة الحنيني الجاهز اللي يباع في تمور الصالحية

ممممممممممممممممممممممممممم

يمممممممممممممممممممممممممممي بيغمى علي

ذكرتوني فيه أبي أكله ألحين دبروني مالي شغل
16-10-1426 هـ, 10:01 مساءً
 
هههههههههههههههههههههه
الطريقة بوادي وطريقتي بوادي ثاني.........................
يالله جيبولنا حل................بس بقولك شي انا نصي نجدي والنص الثاني من حائل........عشان كذا متعلمة على الطريقتين وترا طريقتي اقرب شي لحائل هم اللي يسوون كذا......

عاد صاحبة الموضوع تجرب الطريقتين احسن............

وشكرا عيني على اسم التمر..............
16-10-1426 هـ, 10:10 مساءً
 


الساعة الآن 01:50 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏