المقادير
دقيق اسمر ويستحب يكون مخلوط بين الأسمر والأبيض
وخميرة فوريه أو اعجنيها من الليل وهذا أفضل ,
رشة ملح عادي أنا ما أحط بس أم زوجي تحط
سمن بلدي وهذا أفضل من غيرة.. وتمر لين سهل العجن
لنجاح الحنيني المفروض تكون العجينة رخوة شوي يعني أثقل من لقمة القاضي .!
وهذا من شروط العجين

الطريقة
سهله جدا
إذا ما عندك طوى ساج عادي تنفع تكون تيفال أنا كذا مع التطور..،

وضعي الطوة على النار بعد دهنا بشوى سمن
وخذي بيدك العجين وعملي بيدك أقراص صغيرة
عادي لا تهتمين لشكلها يعني مو المفروض تكون قرص مرتب أو شكل داري صحيح..،
مثل المراصيع لو سمعتي عنها ..،

بعد متخلصين من عمل المراصيع فتي العجين وقطعيها قطع صغيرة جدا و خرجي من التمر الفصم واعجنيها مع بعض<<<< العجين التمر والسمن
بعد كذا وضعي الحنيني في قدر وقلبيه على نار هادئة,, وبالهناء والعافية
17-10-1426 هـ, 11:10 مساءً
 
انا طريقتي مشابهه لطريقه اختي الصبار
18-10-1426 هـ, 12:22 صباحاً
 
شكرا يا عمري
18-10-1426 هـ, 08:58 صباحاً
 
بنات عندي طريقه حنيني تهبل بس مودرن بالكيكه
اذا تبغون انا حاضرة وينفع للزنقات وطعمه يجنن والله

لاني تعبانه الحين اسفه والله
23-10-1426 هـ, 09:23 صباحاً
 
الحنيني عبارة عن مراصيع وتمر متنوز اللي يكون بكيس ومضغوط اسوي المراصيع بعدين اقطعا واحطها بالفرامه ومعها التمر منزوع النوى وافرمها بس بشرط ان المراصيع اتكون تاركتها شوي تبرد وبعدين افرمها سوى في فرامه البصل وراح يختلط التمر بالمراصيع وبعدين اطلعه واحطه بحافظه واحط عليه فلفل اسود واصب السمن عليه وبالعافيه ****لله
23-10-1426 هـ, 01:34 مساءً
 


الساعة الآن 07:11 .