هذي طريقتي في تنظيم البيت وترتيبه ....

السلام عليكم ..
زي مو واضح في العنوان ...

كل وحده تقول لنا طريقتها في ترتيب البيت كيف تبدا وين تنتهي..!!

طريقتـــي :
انوم بناتي اولا وقبل كل شيء لان مااعرف اشتغل وحولي صجه ورجه الله يحفظهم
ابدا بتشغيل الغساله .. واشيك عليها كل شوي
اروح المطبخ اغسله مااخرج منه وفيه صحن واحد..

اروح للصاله والمجالس وغرفه النوم .. ارتبها
اكوون بعد هذا كله مخلصه الغسيل ...
اغسل الحمامات اكرمكم الله بالديتوول ..
امسح السراميـك كمان بالديتول
اكنس البيت ...
واشغل الفواحه ...
احط الجمر على النار ..
اروح للملابس واكوي ملابس خرجتنا لبكره ( ملابسي وملابس زوجي وبناتي)
اروح للفحم واحط عليه البخور :02:
وابخر البيت كاااااامل
والملابس اللي كويتهاا
واحط المبخره في الدولاب عشان تتبخر الملابس اللي فالدولاب ..
واغسل المغاسل وامسح المرايـا
افتح الشبابيك عشان هوا البيت يتجدد
وبكذذذا اكون خلصت .... واخذ لي شور بسيط .. واي شي احبه اروق عليه بعد التعب... ( نسكافيه او قهوه وحلا..)
يصير البيت كله ريحه بخور على فواحه على ديتول والريحه واااااوو ..

طبعا هذا نظامي يوووووووميا طول الاسبوع مايتغير ..
وفي وقت الاجازه الاسبوعيه لا والله ارتاح واريح نفسي .. اخلي البيت يومين تعديل بسيط بس .. مو كررف مثل ايام الاسبوع ..

** ومخصصه لي يوم في الاسبوع للغساله والملابس وكويها كلللللها واحطها في الدولاب ...

( وناويه اشتري النشافه الحراريه عشان ينشال من حياتي هاليوم ��



هذا هو تنظيمي وترتيبي فالبيت ،..

ابدعي بترتيبك ... لعلنا نستفيييد ...

��