السلام عليكم ورحمة **** وبركاتة

عزيزاتي من تعرف طريقة عمل اكلة بدوية تسمى (القــرص)
رجــــــاء حـارا للي تعرفها تكتبها لاني ودي اسويها لاني اموت فيها


تمـــــــــــــورة
23-12-1422 هـ, 10:48 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا تموره الغاليه كيفك وكيف غاليه *****الله تمام -----لكن ليش النداء لأهل الامارات بس حنا بعد في السعوديه نعرف القرص ونتقنه تمام وأنامثلك أموت فيه خاصة مع الليمووووون ياسلالالالام رهيب ------تموره أنا صراحة ما أسويه بس الوالدة الله يحفظها ممتازه فيه ماشاء الله وبسألها وأرد عليك -----زين انتظريني وأكيد البنات بيساعدونك ومايقصرون -------سلام يالغاليه
23-12-1422 هـ, 12:06 مساءً
 
إختي تمورة شو تقصدين بالقرص قرص المفتوت ولا شي ثاني

يا ريت توضحين عشان نقدر نساعدج
23-12-1422 هـ, 03:16 مساءً
 
هلا و**** وغلا
هلا بمنولة المزيونة
نعم نعم حبيبتي هو هذا اللي قصدتة القرص المفتوت
ي**** شدي حيلج وجهزي اناملج واكتبيلي الطريقة ولك
مني الشكر الجزيل يا انشط منولة في المنتدى


تمـــــــــــــــــــورة
25-12-1422 هـ, 09:57 مساءً
 
تمورة حبيبتي غالي والطلب رخيص واسمحيلي على التأخير لأني ما قدرت أرد عليج أمس كنت وايد مشغولة بس ألحين يايه مخصوص على شان أكتب لج الطريقة

المقادير :


كيلة طحين رقم 2
3 ملاعق طعام دبس
ماء للعجن
سكر للتحلية
سمن
هيل ناعم + زنجبيل ناعم ( اختياري )

الطريقة :


يذاب الدبس في قليل من الماء تقريبا نصف كوب ويخلط مع الطحين ويعجن باليد يضاف إليه ماء بالتدريج ويعجن حتى تتكون عجينة متماسكة وقابلة للتشكيل تكور العجينة وترق على سطح مرشوش بالطحين على شكل أقراص نصف سم أو شوي أعلى وتقلى في زيت وسط بحث يغطي النصف الأسفل وتخرم أثناء القلي بالملعقة على أشكال زائد على مسافات لكي تنضج العجينة من الداخل ويحمر القرص من الجهتين وهكذا حتى انتهاء الكمية
نقوم بتقطيع الأقراص إلى أربع قطع وعندك طريقتين لتنعيم الأقراص
الأولى :
تدق الأقراص بالمنحاز للتنعيم المرغوب .
والثانية : وهي الأسهل والمستخدمة حاليا
طحن الأقراص بعد تقطيعها إلى قطع صغيرة بالخلاط الكأس وهذي الطريقة تخلي الأقراص أنعم وأنا أفضلها شذي

بعد الإنتهاء من الطحن نضيف السكر حسب الرغبة والسمن لتطرية القرص ( يعني شوفي حطي سمن وشيلي بإيدج وسوي كرة إذا اتماسكت خلاص ما تحتاج زيادة )
وإذا حبيتي تضيفين رشة هيل ناعم ورشة زنجبيل وهذا اختياري

وبألف عافية


والله شهيتيني كأني قاعدة أسويه ألحين
وإذا سويته طمنيني ***** الله ظبت معاج
والله لو أعرف وين ساكنة كنت سوته وطرشته لج تراني متخصصة فيه

ويا الله ألحين على طول على المطبخ سويه وخبريني عن النتيجة لا تنسين
26-12-1422 هـ, 10:05 صباحاً
 


الساعة الآن 04:49 .