السلام عليكم ورحمة الله

حبيباتي بنات حواء

عندي مشغل جديد فيه عاملات فلبينيات

ولكن فتحته من شهرين ولا دخل عندي غير بالكثير 10 زبونات باسعار للخدمات ب 10

وكنت عارضه عاللوحه القماشه الصفرا عن العروض

وصكرته بعدها فتره اسبوعين تضايقت من الوضع

ولا انتظر دخل لي ولكن ع الاقل لو نص راتب الكوفيرات

وكنت موزعه برشورات بالعروض وانزل في الانستقرام

برغم ان مشغلي متكامل جداً بارقى الاجهزه والمعدات وكبير اقسامه منفصله عن بعض

ولكن لاحياة لمن تنادي

ارغب بدعمكم وابداء نصايحكم

اخواتي المشرفات ارغب من الاخوات دعمي وان لايقفل الموضوع اتمنى تشجيع الايدي الوطنيه
28-04-1435 هـ, 02:43 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشكلتك مستعجله من شهرين قررتي انه فشل وسكرتيه
يعني متوقعه الزباين بيجون ورا بعض وبالهبل من اول شهور
هذا شي مستحيل
المشاغل مواسم واذا فتحتيه الشهرين الماضيه فتاكدي الحين موسم ركود طبيعي
لازم يكون عندك صبر وطووله بال
كل صاحبات المشاغل في البدايه خسرو ودفعوا رواتب العاملات من جيبهم اول الشهور
لين وقفو على رجلهم وصار لهم سمعه ومكانه بين الناس وانشهرو

اعرف وحده جلست سنه تدفع رواتب العاملات والمصاريف والحين مشغلها من اكثر المشاغل اقبال ماشاءالله
لاتستعجلين ارجعي افتحيه وانشريه اكثر وسوي عروض اضافيه و وزعي كروت المشغل في الاسواق والمدارس القريبه ..الخ
واصبري مافي شي يجي بكم يوم يبي لك ع الاقل سنه تتعبين والحين الاجازه جايه وبعدها رمضان وعيد يعني موسم شغل كبير لازم تنافسين و تصبرين ولازم تتاكدين ان العاملات شغلهم ممتاز او ع الاقل مقبول لان لهم دور كبير في اقبال الناس ع المشغل احيانا العاملات يكون سبب في عدم اقبال الزباين عليه , واذا تقدرين توفرين خدمه منازل فهذا شي ممتاز ويساعد في انتشار المشغل لو تحددين ايام معينه في الاسبوع يطلعون عاملات
28-04-1435 هـ, 05:09 مساءً
 
الاخت الي فوق وفت وكفت
28-04-1435 هـ, 05:34 مساءً
 
فديتك اختي لاعدمت منك ومن تواجدك
اختي العاملات مشاء ممتازات بكل شي حتى المساج
بس مثل ماقلت موزعه بروشورات والشارع عام كبير وكل اللي حوله بيوت وشقق
بس هي ارزاقوالحمدلله على كل حال
مشكلة الرواتب ماعندي سيوله ودخل هنا المشكله
حطيت عروض جداً مغريه لخدمة المنازل ومافي مشكله لو يومي
ولكن الله كريم
يرزقنا ويرزقكم ويفتحها علينا يارب
اشكرك حبيبة قلبي ع المداخله
28-04-1435 هـ, 05:34 مساءً
 
طيب لاهنتو خواتي وش فيه مواقع وطرق للاعلان
ويكون غير مدفوع وغير الانستقرام
28-04-1435 هـ, 05:43 مساءً
 


الساعة الآن 04:26 .