هو انا حساسه ولا صدق مقصر في حقي زوجي

السلام عليكم ورحمة الله وبركاته 

صباح/مساء الفل والياسمين للجميع 

مالي بالمقدمات بس ابي اسالكم قلبي طفش ومل وانتهئ وذبل من الكتمان

انا سبق وولدت عملية قيصريه بولدي الاول
وبعد 3 سنوات ربي انعم علي بالحمل حمدالله وكنا فرحانين انا وزوجي ونتمناها بنت وربي نولنا مرادنا وانا حامل زوجي كان يأملني لو ولدتي طبيعي راح نسافر دبي والكويت وراح نسوي ونسوي وانا عايشه فترة احلام سعيده انتظر بس متئ اولد وجات الليله المنتظرة وانفكت عليه المويه بالبيت وبدا الطلق ورحت المستشفئ يوم كامل من العذاب والالم والنهايه ولدت عمليه :( الدكتوره عطتني اسباب كثيره لولادتي عمليه انو نشفت المويه ونبض الجنين صار ضعيف جدا جدا وانا صغيره ورحمي ماتحمل الالم الطلق لان فيه جرح القيصرية 
المهم الكل فرح لي من جهة اهلي الا زوجي واهله 

زوجي اللي احتجت مساندته نفسيا وعقليا احتجت قربه مني ابتعد عني كثيييييييير 
يشهد الله حتا علبه مويه ماشراها ليه ولا ورده ولا اكل ولا عصاير ولااااااااا شي ولا ريال خسره عليه والزياره يجيني باخر 10 دقايق قبل انتهاء الزياره وموظفات الامن واقفين ع راسه عشان يطلع لانو قربت الزياره ع الانتهاء واهله جوني بالمستشفئ زاروني وجلست الاربعين كله عند اهلي ولا فكروا حتا يرفعوا سماعه ويكلموني او يجون ويزوروني وللعلم بين بيت اهلي وبيت اهل زوجي حق ربع ساعه بس ويوصلون طلعت بعد الاربعين عرووووس نقش وصبغه ونيولوك جديد بمعنئ الكلمه سويت رجيم واهتميت بجسمي وبشرتي وشعري طلعت ملاك من دون مبالغه والله يشهد  وروحت بيتي بيتي مزبله مادري كيف كان عايش زوجي هاذا وانا ساكنه مع اهله المفروض استحوا شويه ونظفوا لولدهم بيته وانا نفاس مو عشاني عشانه ولا اي اشاره فرح في عيون زوجي عااااادي الوضع عنده اخذ حاجته الشرعيه وخربط عليه بكم كلمه وحشتيني ومدري ايش وانتهت ليلتنا ولا هديه لطلعتي بعد النفاس ولا حتا سفر مثل ماهو وعدني يقولي انتي ولدتي عمليه ماتستاهلين السفر واذا طلبته بسافر انا محتاجه اغير جو مو شرط دبي والكويت لو هنا مكه او ابها او المدينه ينافخ عليه ويقولي ماعنده فلوس وانا عارفه والله كم عنده بالريال والهلله بس باخل عليه بالسفر ليه ماادري 
يعني حملي من بداية لنهايته كان مشاكل ونفسيتي تعبانه مره المشيمه نازله و الكيس مثقوب و بالشهور الاخيره كان راس بنتي فوق وبعدين نزل وتعبت تعب بالتاسع شاده حيلي من قلب عشان اساعد نفسي واولد طبيعي بس قدر ربي عليه بالعمليه صدمتني العمليه واتعبتني وجابت لي اكتئاب الولادة كان ليلي ونهاري ابكي 

احتاج اغير نفسيتي احتاج احد يواسيني وزوجي هاجرني مبتعد عني مره 
مع اني اعرف اللي زوجته تولد عمليه ينبسط انها ماتغيرت ولا توسعت 

عجزت مع زوجي الجاف جاوبوني هو مقصر ولا انا مدلعه وحساسه انا مو زعلانه منه بس في اشياء جواتي اذا ماجت منه عيب انا اطلبها أشياء المفروض هو يحسها ويواسيني بها 

اسفه كلامي مخربط بس اكتب وانا منغبنه ومقهوره