Analysis Services
السلام عليكم...

بنات ... الحين ابغى اعزم حمولتي خخخخ ماقد عزمتهم ولاعرف للعزايم


بس اشوف الناس اذا انعزمت وكانوا كثيرين تتقريبا30 حرمه يككون العشاء رز ولحم من المطعم

وهي تعمل ورق عنب وسلطه مع العشاء...

واذا العدد قليل تقريبا 10 حريم يكون صواني...

الحين انا لحالي ... كيف لو بعزم وشلون اقابلهم والا اطبخ .. وانا ودي اعمل صواني فرن حلوه ولذيذه.. ومابراسي الا بشاميل

الحين كم طبق اسوي...؟ لو العدد تقريبا 10 حريم مع خمس او 6 اطفال ...

وكيف اقدم.. الشاي والقهوه افضل مع بعض والا القهوه وبعدها اشيلهم واجيب الشاي

المشكله ماعرف كيف اذا جوا اشتغل بالمطبخ والا اجلسس عندهم... انتم ايش تسوون بالضبط صعبه اعزمهم وتجلس بالمطبخ ماصارت عزيمه...



وعلمووني اي اسوي اطباق رئيسيه ودي بصواني فررن وسلطه بس مادري وش اسوي


تكفووون اسعفوووني ... ولو فيه كتاب حلو لصواني الفرن والمعجنات ياليت تكبتون اسمه....


والله يسخر لها زوجها اللي ترد علي ويصلح ذريتها واللي ماتزوجت يرزقها الزوج الصالح

وجزاكم الله خيرا
03-05-1435 هـ, 05:04 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
التقديمات الافضل تجيبينها من برا صواني حلى وفطاير وموالح واشتري صحون تقديم صغيره حلوه عشان لما تدورين بالصواني يحطونه في الصحن

وحطي صواني الحلى والموالح على طاوله على جنب وكل شوي دوري فيها ولا تنسي توزعي مناديل من الملونه المزخرفه مع الصحون

عن نفسي اطلع القهوه والشاي مع بعض عشان الي تكتفي من القهوه اصب لها شاي ما تنتظر الباقيات يخلصون وانتي براحتك


قبل بيوم جهززي كل شيء نظفي مكان جلستهم وبخريه وقفليه وجهزي كل احتياجات القهوه والشاي من فناجيل وتمر وسكريه وملاعق حلى

وجهزي ملاعق الاكل وصحون التقديم للعشاء وخذي كرتون مويه صغير وبرديه وحطيه في تبسي حلو وحطيه على جنب مع اصواني الحلى والموالح واذا بتسوين صواني في البيت خذي ملاعق غرف حلوه وتواجه وصحون تكفي الجميع كبيره وبعد العشاء سوي قبل بيوم جلي بالفواكه او كريم كارميل او تشيز كيك وقدميه بعد العشاء

وللاطفال الافضل تاخذين لهم شبسات وبساكيت ولا تاخذين عصيررر لهم نصيحه ما بيطلعون الا الارضيه تتلاصق من العصير المكبوب على الارض

وقفلي كل مكان ممكن يخربون عليك مثل غرفة نومك غرفة عيالك وحتى الحمام قفليه واذا وحده احتاجته اعطيها المفتاح عشان ما يحوسونه عليك

اما العشا انا افضل تجيبينه من برا بصراحه تعب استقبال وطبخ !! ولا تلحقين تجلسين معهم اطلبي رز ودجاج ولا رز ولحم ومعاه ورق عنب وسلطات ومقبلات

او فيه حريم يجهزون لك بوفيه كاامل بس ما يقل عن 500


وبالتوفيق
03-05-1435 هـ, 05:39 صباحاً
 
اذا تبين تسوين في البيت عندك صينية التوست .. مكرونه بالباشميل .. مصقعه .. رز بالفرن ..دجاج ببالفرن ..سمبوسه ... سبرنغ رول .. ورق عنب .. سلطة بقوليات .. تبوله ..فتوش .. متبل .. حمص .. بطاطس مقليه ..


هذا الي يحضرني حاليا وادخلي قسم الطبخ فيه قسم اعتقد للبوفيهات والعزايم وبتلاقين اشكال والوان من ابداعات البنات ويعطونك افكار
03-05-1435 هـ, 05:56 صباحاً
 
يابعد الدنيا يارودينااا

الله يفتحهاااا بوووجهك ... ورزقك ماتتمنين

بحووس بالقسم ادور طريقه الصواني اللي قلتي

شاكره لك
03-05-1435 هـ, 06:07 صباحاً
 
موفقه
03-05-1435 هـ, 06:28 صباحاً
 


الساعة الآن 09:31 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏