مشكلتي مع امي واختي :( ،،،،،،،،،،،،،،،،

عندي اخت اكبر مني ب9 سنوات كنت اقول لها كل شي بعد فترة صارت لي مشاااكل مع زوجي فجأه انقلب كل شي فوق تحت بشكل غير طبيعي  
زوجي كان يعشقني فجأة طلقني وكرهني!  وصد عني مايبيني ولايبي يسمع صوتي .....
  كل الناس نصحوني اروح اتسبب  لان واضح ان اللي بيننا ماكان طبيعي ...مع اني انا مو من الاشخاص الموسوسين بالعين ولاكنت اقتنع بهالامور واعتبرها ضعف في التوكل لكن من شده العذاب النفسي والصدمه قررت اروح واجرب اي شي ابي اموري تزين 




ورحت انا وزوجي لراقي معروف الله يجزاه خير  وهذي مو اول مره اروح لرقاه دايم امي تغصبني اروح ولايصير فيني  شي




 هالمرة جتني حاله غريبه  والشيخ يقرا ايات بالذات  (ام يحسدون الناس ) والله حتى وانا اكتبها حسيت برجفه 
تأثررت وجلست ابكي وحسيت بحزززن فظيع  وهذي  والله اول مره اتأثر بالرقيه 
ويوم خلصنا قال الليله راح تشوفين منام ان شفتي شخص خذي من اثره . 




وبالفعل من تتوقعون اللي شفته ؟؟؟؟؟ 




طلعت اختي .. والحلم انها جالسه مع زوجي ومتبرجه ويوم شافتني غطت وجهها . 




بيني وبين نفسي استغربت وسويت اللي قاله الشيخ وانتظرت انها تجي لمنا وجبت منديل رطب ومسحت جزمتها وانتم بكرامه وحطيتها بعلبه  ونقعته بمويه واغتسلت انا وعيالي وعطيت زوجي المنديل من غير ما اعلمه هذا اثر مين  وقلت اغتسل فيه .. 




والله العظيييم عسى الله يحرمني عيوني انه بعد الاغتسال مره وحده بس
  رجع زوجي يتصل ويجينا عقب ماكان صاد عنا وشوي شوي زانت امورنا وبدينا نرجع . 
لو احد قايل لي هالكلام ماصدقته لكنه صار لي انا شخصيييا :(




الحيين انا اكررره اختي صرت ما اطيقها ولا ابيها تدري عني في اي شي  .. لكن المشكله اني حاليا عند اهلي وامي الله يهديها ماتسكككت كل شي تقوله لاختي وتعلمها عن روحاتنا وجياتنا ووش شريت وفلان جاب كذا وكذا وانا كم مرة حرصتها وعلمتها ان ماحاسني الا كلامها   بس ماتفهم ..بالعكس تتهمني اني انا حاسده اختي !!! وتقول اختك ماراح تحسدك !؟




اللي قاهرني ان عمري ماسألت عن اختي وعمرها امي ماقالت لي شي عنها وين راحت وين جت 
وحتى لو عرفت تنط بحلقي قولي ماشاءالله !!




والله ان اختي ذي وضعها احسن مني بكثيير ماشاءالله الله يبارك لها بس على النعمه اللي عندها لو تشوفون لبسها ولبس عيالها خلاقين ومكروف من الغسيل مع ان عندها فلوس وزوجها بعد بس كذا ماتبي وهي موسوسه كل ماطق عود بحصاه قالت حسدوني وعانوني والحين انا صرت اقط عليها كلام  وعطتني بابصريح تقول انا اخااف منك ؟!!




انا كل ماتذكرت انها السبب في انقلاب حياتي اكرههها وما اطيقها وصرت اقلل جلوسي معها لما تجي لاهلي لكن هي بدت تقلب امي علي وتعبي راسها اني غيرانه منها  وحاسدتها ... 

انا مابي قطاعه وابي العلاقه رسميه وسكرررت فمي ماعاد اقول شي بس امي الله يهديها ما تابت :(


ياااااارب ادعولي يخلص بيتي بسرعه واطلع من عند اهلي :(