مرحبا بكم جميعا

بعرض لكم مدخنةالثياب كانت طلبية الاخوات 4lay والاخت الحلوه الاماراتيه بس للاسف انهن طلبن وحاولت كذا مره اني ارسل لهن رسايل على الخاص ولا كلفن على عمارهن بالرد

وهذي هي المداخن اللون العنابي 2 واللون الاسود 2
وكانن ب100 وحاليا ب 85 درهم لاني ابغي امشيهن ..ولان حاليا وقفت طلبيات المداخن لسبب ان النجار بارك الله فيه اللي عطيته افكار المدخنه سوى منهن 20 حبه فضاعت الفكره

نبذه بسيطه المدخنه
باللهجه الاماراتيه (المدخنه)وهي تستعمل لتبخير او تعطير الثياب او الفراش او الفوط بطريقه امنه وسهله
وطريقتها هي انج تحطين المدخن وفيه دخون او بخور في مكان مخصص لوضع المدخن وتحطين الثياب على المدخنه وتتركينها لفتره وتقدرين اترشين الثياب بالعطر اللي اتحبينه اثناء تبخير او تدخين الملابس ومن مميزات المدخنه انها تثبت الريحه في الملابس او الفراش



وهذا اللون الاسود

[img]http://***or.com/imagehost/show.php/34070/سوداء.jpg[/img]
وهذا اللون العنابي او البني الغامق
[img]http://***or.com/imagehost/show.php/34072/عنابي.jpg[/img]

وهذي شهادات الاخوات اللي خذوا من المداخن
اقتباس مشاركة  (الــدُمانــي)
اليوم وصلتني المدخنة بصراحه وايد حلوه ما اتوقعتها جية على الطبيعك كبيرة و جفيفه في الشل و زخارفها حلوة بعد تنفع اتحطينها كديكور يوم ما تستعملينها

مشكورة غناتي ام خليفه بصراحه ابدعتي الله يبارك فيه و يبارك لج في رزقج ان شاء الله
اقتباس مشاركة  (عيون uae)
انا اخذت 3 اثنين سود و واحد بني بصراحه في الطبيعه احلى من الصور و الشغل راقي و مرتب..حتى ينفع ينحط كديكور في البيت لانه شكله حلو
بالتوفيق يا توووووووته
اقتباس مشاركة  (سود الأعيان)
توته الحلوه

وصلتني الطلبية أمس...
فعلاً الشغل مميز وحلو...
ألف شكر لج..

تحياتي
اقتباس مشاركة  (الحكمة)
وصلتني المدخنة وهي رائعة بالفعل
شكرا على الفكرة الحلوة والشغل الحلو

بالتوفيج يالغالية
اشكال حلوة

موفقة
اللهم أرحم اخي الذي وافته المنيه
بتاريخ 2 / 10 / 2005
عن عمر يناهز 19 سنة
اللهم أجعل قبره روضه من رياض الجنه فأنت الودود الكبير
اللهم يارب محمدأبدله بدار أنت المتفضل فيها خير من دار الدنيا الفانيه
آمين يارب العالمين




حلوات بالتوفيق اختي الغالية
بالتوفيق الغاليه


الساعة الآن 09:34 .