Analysis Services
السلام عليكم

اخواتي بغيت مساعدتكم في حاجة بسيطة جدا ابي اتاكد بخصوص الكيك

ايش اللي ينفخ الكيك ويعطيه حجم الباكنج باودر الابيض ولا الخميرة اللي لونها بني غبارة عن حبيبات? وايش افضل دقيق للكيك يطلع اسفنجي وهش مو قاسي اعرف وحدة تبيع كيك قالت لي الدقيق اللي مكتوب عليه دقيق بالخميرة افضل بكثير من الدقيق العادي اللي بدون خميرة وايضا نبهتني عند استخدام دقيق بالخميرة عدم وضع باكنج باودر بالكيك تحيرت ساعدوني? وهل صحيح افضل صواني للكيك هي الالمنيوم ماتحرق ولا تلصق الكيك

والسموحة .. انا طباخة بس مبتدئة بالكيك

وياليت تحطولي صورة العلبه الشي اللي ينفخ الكيك الباكتج باودر افضل نوع من النت او عندكم


اكون شاكرة لتعاونكم
06-05-1435 هـ, 04:48 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أختي للكيك استخدمي الباكينج باودر و هو بودره لونه ابيض

اللي حبيبات و لونه بني اسمه خميره

و افضل نوع دقيق للكيك هو الدقيق الفاخر و إذا ماكان متوفر استخدم دقيق لجميع الاستخدامات بس الفاخر افضل

بالتوفيق
06-05-1435 هـ, 08:24 مساءً
 
اهلين لختي

مشكورة علي ردك

اعرفهم اختي خميرة وباكنج باودر الابيض بس احترت اي واحد للكيك قلت اتاكد حق مااسوي كيكة فاشله ههه

واذا عندكم حبايبي مقادير كيكة مضبوطة اكتبوها لي بمقاس قلاص الجبن لصفير او لكبير او بمقاس الكوب اللي فيه ارقام وقياسات مكتوب عليه المعايير القياسيه

ولكم جزيل الشكررررررر
06-05-1435 هـ, 09:10 مساءً
 
شوفي يا قلبي كيكي إلي أسويه ولله الحمد يطلع دايم ممتاز
أولا بخصوص الدقيق أستخدم الدقيق الكويتي تحصلينه بأغلب السوبرماركات
والباكنج بودر أستخدم أي نوع العلالي أو أي نوع ما تفرق ..

مقادير الكيكه :
كاسة جبن كبير دقيق .. ونص كاسة زيت .. ونصف كاسة سكر ناعم
علبة زبادي المراعي .. ٣ بيضات .. ملعقة طعام كبيره بكينج بودر ..

الصينيه أستخدم صياني تيفال ..
في البدايه قبل تجهزين المقادير ضروري تشغلين الفرن من تحت أنا الفرن كهرب
أحطه على درجة ٢٠٠
وبعدها أدهن صينية الكيك بشوي زيت وأتأكد إنه الصينيه كلها أندهنت ..
بعدها أحط السكر والزيت وأضربهم بالخلاط بحركه دائريه نفس الإتجاه < ما تجلسين
تخلطينها بشكل عشوائي كذا غلط تعدم الكيك الأفضل تخلطيها بالخلاط الكهربائي
بنفس الإتجاه
بعدها تضيفي البيض وتستمري بالخلط وبعدها الزبادي وتستمري بالخلط بنفس الإتجاه
بعدها تضيفي الدقيق بالتدرج شوي شوي لين يخلص الكاس وتخلطينها بشكل
جامد بنفس الإتجاه وبعدها تضيفي ملعقة الباكنج بودر أخررر شي وتستمري
بالخلط الجاااامد
توقفي الخلاط و طواااالي تصبي الخليط بالصينيه
وطوالي تدخلينها الفرن
وإنتظري تقريا ٤٥ دقيقه وبتطلع روعه بس إنتبهي طول ما الكيك بالفرن إصحك
تفتحي باب الفرن كذا شغلك كله يخرب دخليه وراقبيه من الخارج بدون فتح الباب

بعد ٤٥ دقيقه طفي الفرن وممكن تحمرينه شوي من فوق وطلعي الكيكه
وخليه لين تبرد شوي بعد كذا إقلبي القالب بالصحن وقطعيه وبالهناء والعافيه
طبقي هذي الطريقه بنفس الدقه ونفس ترتيب المقادير ونفس حركة الخلاط أثناء الخلط
ونفس درجة حرارة الفرن وبتطلع رررروعه
06-05-1435 هـ, 10:04 مساءً
 
الاخت منجو

كفيتي ووفيتي ياقلبي

ماقصزتي يالغلا بجد يحرم يدينك النار يارب

جميع المقادير اللي ذكرتيها متوفرة عندي بجربها اليوم وارسلك الصورة

اول مرة بسوي كيك علي طول اخذ جاهز وكل ماشغت كيكة تجيني صيحة ابي اسوي كيكة منفوخة ههه
لك جزيل الشكز غاليتي
07-05-1435 هـ, 01:36 صباحاً
 


الساعة الآن 05:44 .