الحمدلله رب العالمين


عملت مشروع من محلي للخياطه قلت استغل الوضع طالما مافيه زباين والشغل يادوب يغطي الاجار وررواتب الخياطين


فكرت اخيط واعطي المحلات يبيعون لي بنسبتهم مالقيت الا بوتيك في مجمع معروف مختص بالملابس والاكسسوارات


سألت نفسي ..... ايش اخيط ؟؟؟


حبيت فكرة الحجابات بانواعها للسفر الي يسموها توربان وطبعا مع اسكارف للرقبه وبنفس الوقت هاللبس كويس لطالبات المدارس لصغار لتعويدهم على الحجاب وشكله مرتب وثابت ..... وللأجنبيات كمان لانه موضه
اشتريت واحد جاهز ونسخت منه اشكال واحجام بالوان داكنه واهمها الاسود

كل ماروح لمحل يقولي مايمشي لانه منتج جديد لكني مايأست لقيت هالبوتيك ولانه هو عنده نفس الي اخيطه لكن محدود وغالي كثير انا سعري حلو وفايدتي قليله لجل شغلي يمشي


عطيت البوتيك 40 قطعه وانا خايفه ومتردده وكيف استرجع لو شوي من تكلفة القماش والخياطه


قالت لي المديره تعالي بعد شهر للمحاسبه رحت امس عطتني فاتورة البيع ماشاء الله مرتبين السلعه ورقمها ولونها وتاريخ بيعها ..... انباعوا 29 قطعه ....... فرحت واايد مشروعي نجح

قيمة البيع للقطعه 280ريال نسبت البوتيك 80 ريال عن القطعه وربحي 5800 ريال


وقالت لي البياعه البنات يتصلون يبون حجابات صيفيه لان القطع الباقيه قليله


هل اجازف واشتغل بالمبلغ مره ثانيه معاهم ؟


وكم يابنات اطلع صدقه ؟


وقالت لي ان كنتي تعرفين تخيطين تنانير صممي لنا وبوتيكنا لانه معروف يبيع ارخص قطعه ب900 ريال

بشرط جودة القماش ....... شفت عندها تنانير ب2800 ريال والله استغربت سألتها حد يشتري بهالمبلغ ؟؟؟ قالت اسعارنا معروفه وزباينا معروفين وبرمضان مانلحق حتى نفطر لان زباينا يثقون في بضاعتنا


الصراحه شفت القماش موجود بالسوق واعرفه اسمه تافته صج غالي شوي بس ماتوصل للسعر الي يبيعونه فيه


واسمحت لي اجيب خياطي واخد المقاسات حتى ابدا بالتنانير اقترحت عليها تبيع لي ب700 ريال للقطعه قالت لا ماعندنا اقل من 1000 ريال سألتها مو غالي ؟ بيشترون بهالسعر الزباين ؟؟؟ قالت بثقه اكيد بيشترون



انا شريت الاقمشه الي نوعآ ما غاليه شوي بس تعرفون التنوره ماتاخد اكثر من 3 امتار وبطانه وتطريز مبتكر تظيف

يابنات هل حرام البيع بهالسعر ولا هي تجاره وكل زبونه لها حرية الاختيار

اولا

ما شاء الله تبارك الرحمن ربي يحرسك ويبارك لك برزقك

واهم شي يااختي لا تتهاوني فيها الصدقة والصدقث والصدقة تكثر الرزق وتفتح ابوابة

انصحك تثبتي علي التوربان والحجاب حالبا دام مشي معاهم وصاروا يطلبونة وجربي قطعتين من التنورة لاتسوي كميه جوفي كيف تمشي ولا لا


وياليتي اقلبي ترسلي لي شغلك اذا عجبني باخذ منك كميه واتاجر فيها بالبحرين


موفقة يارب لا توقفي مشوار التجارة يبيله قلب وجهد في البدايه
ماشاء الله تبارك الله
رربنا يزيدك ويبارك لك
التجاره شطاره والله يبارك لك مبررروك
اقتباس مشاركة  (هـدوء الـكـون !!)
اولا

ما شاء الله تبارك الرحمن ربي يحرسك ويبارك لك برزقك

واهم شي يااختي لا تتهاوني فيها الصدقة والصدقث والصدقة تكثر الرزق وتفتح ابوابة

انصحك تثبتي علي التوربان والحجاب حالبا دام مشي معاهم وصاروا يطلبونة وجربي قطعتين من التنورة لاتسوي كميه جوفي كيف تمشي ولا لا


وياليتي اقلبي ترسلي لي شغلك اذا عجبني باخذ منك كميه واتاجر فيها بالبحرين


موفقة يارب لا توقفي مشوار التجارة يبيله قلب وجهد في البدايه


تسلمين اختي


ببعث لك الصور ان شاء الله


هل البحرين فيها قوه شرائيه بهالسعر ؟ يعني من 280 ريال وطالع


ان كان فيه فايده لك ولي ببعث لك ان شاء الله

قبلها ادرسي الموضوع من قيمة الشحن والنسبه والله يوفق


الساعة الآن 05:33 .