Analysis Services
  • «
  • <
  • 1
  • 2
  • 3
  • 4
  • 5
  • >
  • »
الله يزيدك من نعيمه ويحفظك من كل شر
اختي مااعتقد حرام السعر هذي هي التجاره اللي يبي يشتري واللي مايبي لايشتري
اهم شي الاخلاص في العمل وتكون القطعه شغلها حلو وتكون جوده في الصناعه
بالتوفيق يارب
08-05-1435 هـ, 02:43 صباحاً
 
الله يوفقك
انا بعد ابغى اشوف تصاميميك خاصة بالتنانير لان عندي زباين يدورون النادر والغريب
والله يوفقنا وياك
08-05-1435 هـ, 03:39 صباحاً
 
ماشاء الله ياليت تقولين لنا تجربتك كامله وكيف تواصلتي مع صاحبة المحل انا عندي موهبه اصمم وافصل بس محدود لي واخواتي ولخالاتي اما كبزنس ماجربت ياليت تنصحيني كيف ابدا أتعامل مع أصحاب المحلات...وونصيحتي لك كملي لا توقفين...وشكرن لك وبالتوفيق 
08-05-1435 هـ, 09:58 صباحاً
 
السلام عليكم


جزاكم الله خير على الردود الطيبه


للي قالت عندها موهبة التصميم تصدقي يا اختي انا ماعرف اصمم لكن لي نظره في الموديل الي اتوقع له ينجح


يعني الف المحلات واصور الي يعجبني وادرسه بالبيت واوريه الخياط واعمل واحد بس واعلقه بمحلي للخياطه وكم زبونه يعجبون فيه ويطلبوا زيه مثلآ مره رحت مع بنتي محل عبايات اسمه المتحجبه مشهور عندنا وله افرع عالميه عجبتني عبايه بالكريستال الاخضر ممتد من الكتف لمنتصف الايد بشكل هندسي راقي ولمعان الكريستال يبهر وصعب اوصفها للخياط بتاعي يسوي زيها بنتي فصلتها ب1400 وعلى طول عطيتها خياطي للنسخ وبسم الله ماشاء الله سوا اختها بنتي تقولي الحين ماعرف وين عبايتي ووين الي خياطنا مسويها وعلقناها في المحل وكثيير زبونات خيطوا مثلها وبعضهم زادوا من الكريستا وبعضهم غيروا اللون لكن نفس الموديل


ولأن محلي بسوق قديم ومافيه الحين طلبيات خياطه قلت بخيط عبايات وبودي المجمعات الكبيره وبتفق مع محل يبيع لي


بديت بالتوربن الي زي الحجاب ولله الحمد نجح


طريقتي كانت اني خيطت كم وحده كتجربه وقالت لي مديرة البوتيك بناخد نسبه وبنشوف ان مشيوا بنطلب منك وفعلا مشيوا وحبوهم الزبونات وباعت 29 قطعه وهاليومين ماشيكت كم انباع


نصحوني هنا البنات اني اكمل رحت اليوم الصباح السوق واشتريت 12 متر قطن اسود وكحلي ورمادي وان شاء الله بشتغل من بكره للدفعه الثانيه


ولي ماعندها فلوس للقماش جربي حتى من تنوره قديمه عندك او حتى بطانه انك تعملي اي منتج بيدك

اشوف بنات يخيطوا تلبيسات لبراد الشاي والقهوه وتلبيسات للفناجيل الي بلا مقبض وشنط لحمل البرادات وهيك شغلات بسيطه ماتحتاج راس مال كبير


واستغلي التنزيلات والله من كم يوم بالسو ق القديم شفت محل عامل تصفيه على كل القماش بالمحل المتر خمسه شيفونات دانتيلات تافته ساتان حرير صوف قطنيات كله بخمسه واشتريت كميه اجرب عليهم مشروع التنانير


ولي عندها فكره تعرضها والله يوفق الجميع
08-05-1435 هـ, 03:56 مساءً
 
الله يوفقك ويرزقك على تجاوبك وردك على اسىلتي...
إذا حابه افيدك بموديلات انا مصممتها انتي تاخذي الأساس وتنسخي كم قطعه تواصلي معي على الخاص 
ونفس الشيء اقدر اساعدك بموديلات التنانير والله يوفقك ويرزقك...
08-05-1435 هـ, 08:04 مساءً
 


الساعة الآن 07:05 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏