يارب رحمتك شفت شي بالمرايا خلاني انفجع واصحى هههه

السلام عليكم ورحمة الله وبركاته


مدري كيف ابدا بموضوعي ولتكيف اوصف مشكلتي ومعاناتي
مع ان البعض راح يشوفها شي تافهه وانا اعتبرعا موت بطيء



انا كنت انسانه مرحه متفائله احب اهتم بنفسي وباناقتي والكل يشهد لي الحمدلله نظيفه مرتبه طيبه احسن ابظن بالاخرين واشوف الناس كلهم طيبين مااكره احد ولا احس ان فيه احد حاسدني او يكره لي الخير


وبسنه ونص احس الصفعات جتني ورا بعض

الي كنت احسبه يحبني صار يحسدني ومايتمنى لي الخير موقف من المواقف خالتي لما عرفت ان بيتقدم لي رجل له منصب وغني اتصلت على امه وعرضت بنت خالي عليها بدالي ولابعد مكيجتها ولبستها وودتها لعند بيت ام الي خاطبني وبمساعدة امها وجدتي وتزوجته الله يوفقهم ويسعدهم:rotaeye: وكثييير من هالمواقف


الصدمه الثانيه كانو الي حولي دايييم ياخذون مني اغراضي ويرجعونها جبعا لدرجة وحده تقول ليه اشتري فساتين وفلانه عندي الي هي انا وانا طبعا كنت احسبهم انهم يحبوني ومعجبهم ذوقي وطلعو مستغليني لااكثرر

الصدمه الثالثه صديقاتي كلهم تزوجو ماشاء الله الله يوفقهم وكلهم انسحبو عني وبعضهم انا سحبت حالي منهم ومن مضايقاتهم

والصدمه الرابعه مشاكل عائليه فضيعععه من بعد الراحه والاستقرار

والصدمه الاهم اني وصلت لهالسن بدون زواااج من كنت صغيره والكل يقولي انتي بتتزوجين بسرعه حتى امي دايم تقولها لي وصديقاتي وقريباتي لما صار عندي قناعه وثقه عمياء اني بتزوج بدري ولما حصل العكس سبحان الله والحمدلله احس انصدمت






المواقف هذي كلها حولتني لانسانه يائسه متشائمه اكره الناس واخاف منهم وكسوله لدرجة اني مااتروش الى بالاسبوع مره احيانا
بعد ماكنت يوميا
ورجولي ويديني تسققات وجفاف واسمرار وجسمي سمنت وترهلت الي خلاني اصحى على حالي لما شفت شكلي اليوم خخخ تروعت والله كاني مااعرف هالانسانه

حتى غرفتي صايره مكركبه وملابسي بالارض وحوسه مرره
شعري يتساقط زجفاف ودايم مرفوع كله على فوق اول كنت لازم بالاسبوع حنا وبوسط الاسبوع زيت اما الحين مستحيل امشط شعري بالمشط اساسا

كرشتي وترهلي والياس الي فيني احس خلاص بموت ولابيجي يوم القيامه ومافيه شي يستاهل فيني احباااط وكسل فضيع



كيف ارجع مثل اول
ابغى احب الحياة واتفائل