بنات الله يوفقكم ساعدوني بهالمشكلة
لما اسوي كيك يصير معجن مو هش
يكون فيه حفر بس المكان اللي مو حفرة يكون قاسي وناشف ومعجن على بعضه مدري شلون اشرح لكم
بس مو هش وخفيف

هالمشكلة اي كيكة اسويها كذا خصوصا كيكة الزبادي مع اني اذوقها عند الناس ما شاء الله تذوب بالفم ولما اسويها اصير معجنة

انا شكيت بالخلاط او الفرن بس الكيك الجاهز مايصير معجن يعني الخلل في مقاديري

علما انه طريقتي بالخلط بيض وسكر وفانيلا بعدين زيت بعدين حليب بعدين الطحين والبيكنج باودر
والبيض اطلعه قبل بوقت والفرن حار وما افتحه الا لما اخلص والبيكنج بودر تاريخه زين واحسن نوع


الله يوفقكم ساعدوني
11-05-1435 هـ, 05:20 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
البارح عملت كيكة نسكافيه ماضبطت معي اخذت طريقتها من هنا
مع ان الكيك يضبط معي بالعادة
بس اكتشفت السبب ان الدقيق كميته كبيرة شوي مع الكمية اللي اسويها دايم
كوبين وشوي والمفروض قسمتها بصينيتين عشان تستوي مزبوط
والافران تختلف بعضها تسخن بسرعة انا دايم الكيك بالكثير 25 دقيقة وهوجاهز
فانتي شوفي فرنك يعني بس تحطي الكيكة وطي النار عشان تستوي زين

11-05-1435 هـ, 11:47 صباحاً
 
لااله الا الله محمد رسول الله
اللهم لك الحمد كما ينبغي لجلال وجهك وعظيم سلطانك

اللهم صل وسلم على سيدنا محمد
لاحول ولاقوة الا بالله العلي العظيم

سبحان الله وبحمده سبحان الله العظيم
لااله الا انت سبحانك اني كنت من الظالمين

اللهم اغفرلي ولوالدي وللمسلمين والمسلمات الاحياء منهم والاموات
استغفر الله الذي لااله الا هو الحي القيوم واتوب اليه
11-05-1435 هـ, 12:37 مساءً
 
تسخنين الفرن قبل لاتبدين
تننننننخلين الطحين
تعطين وقت كافي للخلط اووووو تخلطين زيادة عن اللزوم
تستخدمين الكوب المعياااري في قياس المقادير لان الكيك يحتاج دقه
غيرتي الصينيه اللي تستخدمينها
نوع الطحين مناسب للكيك
11-05-1435 هـ, 12:59 مساءً
 
أبقولك على طريقة كيكتي بالزبادي سبق وقلتها لعضوه هنا
بس أمشي بالخطوات بالتمام زي ما أكتب لك ولا تخربطين بشي من عندك
الكيك حبيبتي حساس أي زله تعدمه بس لما تمشين ع الخطوات بالترتيب وبسرعه
يعني ما تطولين على بال ماتضيفين مقدار يطلع رهيب
جهزي المقادير بالأول :

كاس جبن كبير دقيق << أنا أستخدم الدقيق الكويتي موجود بأغلب السوبرماركات
نص كاس زيت
نص كاس سكر ناعم << مايكون خشن
٣ بيضات < مايحتاج أطلعه قبل بوقت من الثلاجه
علبة زبادي المراعي الحجم الصغير
ملعقة أكل كبيره بكينج بودر
فقطططططط هذي المقادير لا فيها ماء ولا حليب

قبل تبدين بعجن الكيك شغلي الفرن آنا فرني كهربائي أشغله على درجة ٢٠٠
شغليه خليه يسخن قبل تشتغلين بالكيكه

بعدها جيبي الصينيه و إدهنيها بالزيت وتأكدي إنها مدهونه كلها تمام

بعدها أرجعي للمقادير
أضيفي أول شي السكر وبعده الزيت وبعدها البيض وأخلطيهم بالخلاط الكهربائي
بشكل جامد ونفس الإتجاه لا تغيرين إتجاه الخلاط حتى ما يدخل هوا للخلطه وتخرب ..
بعدها أضيفي علبة الزبادي مره وحده و واصلي الخلط بقوه بنفس الإتجاه لا يتغير ..
بعدها ضيفي الدقيق بالتدرررج وبعدها ملعقة البكينج بودر و أخلطيها جاااامد
مع مراعاة نفس الإتجاه بالخلط هالنقطه جدا مهمه
بعد ما يتكون لك الخليط ويتجانس مع بعض طوالي صبيه بالصينيه
وعلى طول دخليه الفرن لا تتأخرين
وخليه من ٣٥ دقيقه بتلاحظين بدا ينتفش خليه كمان عشر دقايق يعني يكمل ٤٥ دقيقه
ولا تفتحين باب الفرن نهاااائي لين يخلص
بعد ٤٥ دقيقه حمريه شوي من فوق وطلعيه وخليه لين يبرد شوي لإنه إذا قلبتيه
وهو حار يتقطع ويخرب لازم يبرد شوي وبعدها إقلبيه وبيطلع روعه
ولما تطلعينه من الفرن لا تغطينه بشي خليه مفتوح و أرجعي له بعد ربع ساعه و إقلبيه بصحن
طبقي إلي قلت لك عليه تمام وبيطلع روعه
دايم أسوي كيكة الزبادي وتطلع ممتازه الحمدلله وهذي هي طريقتي بدون
زياده أو نقصان
11-05-1435 هـ, 01:06 مساءً
 


الساعة الآن 07:05 .