صباح الخير
ابشركم يارب لك الحمد والشكر ولدت امس وجبت ولدت وتعب شوي من العسر والحين ف العنايه الله يقر عيني بشوفته ويخليه لي
قصة ولادتي باكتبها لكم انا خلصت التاسع يوم السبت وحجزت موعد يوم الاثنين العصر عند الدكتوره ورحت لموعدي وانا عندي احساس انهم بينوموني رغم ان وضعي كان جدا مطمئن المهم جيت وقاست الضغط الا هو عالي سوت تحليل بول الله يكرمكم وطلع فيه زلالالل ����وقالت يالله تنويم وبعطيك طلق صناعي الرحم فاتح 2 وتوكلت ع ربي ووافقت وطلعت للبيت ورجعت لهم ع الساعه 2 الليل وسوو لي تحاليل ولساعه 10 الصبح عطوني تحميلة طلق طبعا اول ماحطوها كانت حاره بس محتمل الالم وكان الالم متقطع الين الساعه 4 جو قالو نبض الجنين متذبذب بنوديك الولاده وودوني والطلق كان بارد مو منتظم وعاد الكشف له حكاية ثانيه كل وحده ويدها بعضهم ماشاءالله خفيفه وبعضهم مرره ثقل ويوم جت الساعه يمكن 5،15 جت الدكتوره ونزلت موية الجنين طبعا كانها بتكشف وتضغط بقوه ودخلت شي وفتحته وبعده بدا الطلق يزود واقعد اتألم ابي الابره وجا الدكتور وع الساعه 6 عطوني اياه وانبسط قعدت اسولف مع امي طبعا فيه الم بس محتمل مأخفت الالم نهائي يمكن مادخلتني اشرب منبهات بكثره بس خففت من الطلق 70٪ وخففت من الكشف ماعاد احس فيه واتهنيت بالابره يمكن نص ساعه وبعده ضعفت النبضات الرحم مافتح الا اربعه ف جابو شي غريب دخلوه فيني من تحت يقيس نبضات الطفل وعلقوه ع فخذي وبعده جابت ابره وحطتها برحمي والابره هذي موسعه فتحت الرحم من اربعه الي 8 ونص وشفت الموووووت منها والله الطلق ارحم بقوووه بقوه الابره احس كأنه فجرت رحمي وقعدت اتلوى من قوة الالم واترجاهم يزيدون الجرعه بس رفضت الدكتوره وهي اصلا كانت متوتره وقامت الدكتوره تتصل بسرعه وكانت مضطربه لان الرحم وقف ع 8 ونص وجت الدكتوره الثانيه واسمعها تقول بالون عاد مدري ش قصته مادري اذا حطوه او لا ودخلت يدينها الثنتين جوة الرحم وكانها تضغط بشئ وتصارخ علي لاتدفين وانا احس بالضغط الين فتح عشره سانتي بعد ماشفت الموت ورفضت تزيد لي جرعه الابره عشان ادفع ودفعت يمكن 4 ال5 مرات وولدت والحمدلله والشكر
تجربتي مع الابره كانت حليوه بس توقعت انها تخفي الألم نهائيا بس يمكن عشان الظروف اللي حصلت والابره الموسعه خربت كل شي مع اني حسيت بالخياطه وهي تخيط وحتى تقول انتي غريبه تحسين وماحسيت ان رجولي متخدره ولا ثقيله ولا شي