وعليكم السلام ورحمة الله وبركاته .


اولا اهنيك على قرارك والله يعينك ويقويك عليه ..للأسف احتمال تلاقي معارضات كثير وبيقولون ولدك مايشرب كفايه نحيف ليش على صدرك الحليب متوفر فترة الأربعين وبعدها خلاص مايكفي دخلي له صناعي حتى مايعتمد عليك اذا كبر وفهم ... الخ .


سكري اذانيك ولاتقلقي وتأكدي ان ولدك بصحه وعافيه مادامه على صدرك وعطفك عليه وراحتك النفسيه بتنتج الحليب بإذن الله ..


لو شفتي بنفسك مع رضاعتك لطفلك في الأيام الأولى جلده يتقشر ووزنه يزيد والصحه تدخل عليه في وجهه وتبوله وتبرزه متكرر في اليوم توصل لـ 5 مرات او حتى تزيد ونومه كثير وهاديء فالحمدلله حليبك يكفيه وزياده ان شاء الله .. مافي داعي تدخلي له صناعي .


عن تجربتي افضل وقت تشفطي فيه الحليب هو بعد الرضاع او بديتي تحسي ان صدرك تحجر من جهة تحت الابط .. صحيح اللي قلتيه ان الحليب الخلفي يكون الدسم فيه اعلى من اللي بالمقدمه , لذا جربي اذا رضعتي ونام الولد بيدك جرعيه او جشئيه ,, انتظري شوي وحاولي ترضعيه مرة ثانيه ..


شرب فالحمدلله هو كان بس مرتاح نفسيا ونام معك لكن لسى جوعان , رفض او النوم غالبه اسحبيه وخليه برضاعه عندك بالثلاجه وبيشربه ان شاء الله ماراح يضيع .


اذا تبقى حليب بصدرك بعد ماترضعي الولد وماسحبتيه راح يكون انتاج الحليب في المرة الجايه أقل لأن جسمك حاس ان لسى عنده مخزون زايد .. هذا هو سبب شفط الحليب الرئيسي حتى تشجعي جسمك ينتج في الرضعه الجايه حليب اكثر .


ولدك بإذن الله راح يشرب حاجته لاتخافي ولاتحددي وقت 20 او 5 دقايق .. لو بتحددي كذا راح يتحدد جسمك مع الوقت مو مع الطفل انتبهي من هالنقطه .


راح اقول لك مثال ,, لو نظمتي رضاعتك وترضعي ولدك كل ساعتين دايما راح يشتغل الصدر ويمتليء بالحليب كل ساعتين .. لكن مره من المرات نام ولدك 3 ساعات .. او طلعتي السوق 4 ساعات .. الروتين اللي حددتيه بيخرب وجسمك بيوقف عن الإنتاج لين يتخلص من الكميه السابقه .. ومو كل الأجسام سوا بعضهم ماشاء الله عادي وبعضهم لأ الساعه تفرق عندهم .


انتي اللي راح تعرفي مع التجربه ايش نوعية جسمك مع الرضاعه وكيف روتين حياتك بعد ماترجعي لبيتك ان شاء الله على خير .


فيه نقطه مهمه جدا ابي انبهك عليها وللأخوات اللي يشتكو من قلة ادرار الحليب حتى وهم يرضعو طبيعي فقط .


بعد كل رضعه او شفط من الصدر اشربي فورا اكبر كاس عندك ماء او حليب او عصير .. بعد ماترضعي راح يحس جسمك بالنقص المفاجئ ويطلب تعويض سريع وتحسي بقرصة جوع شديدة .. عوضيها بالسوائل قبل الأكل وراح يكون انتاجك بإذن الله كثير .


الأكل نظمي وقتك معه وخليك عالمفيد الصحي مو الدسم وتاكلي اي شي وتقولي عادي راح يروح مع الرضاع .. لأ هالإعتقاد خطأ وانا جربته بدل ما ينقص وزني مع الرضاعه كان يزيد . :(

وعندك تخزين الحليب اللي سحبتيه .. انا كنت اخليه برضاعه ثانيه لأن عندي رضاعتين وحده للحليب ووحده للمشروبات مثل الماء او الشاهي والنعناع ومنقوع التمر .. اذا ولدك بيرضع بعد كم ساعه تقدري تخليه على باب الثلاجه ,, اذا بتخليه لليل او بتعطيه اذا جاك زوار فجأة وماتبغي ترضعي عندهم خليه في اقصى الثلاجه .. بيجلس فيها 3 _ 8 ايام مايخرب لكن خليه بكيس محكم الإغلاق او رضاعه او علبه مغلقه بدون حلمه حتى ماتدخله ريحة الثلاجه .

حميه بمويه دافيه ولاترجيه فوق وتحت ابدا .. هزيه بخفيف فقط حتى يرجع ينخلط الدهن مع السوائل لأنها راح تنفصل بالثلاجه .


آسفه طولت عليك بالكلام لكن كنت بكر وماعندي فكرة مثلك عن الرضاع ومثلك متحمسه ومالقيت تشجيع كبير الا من زوجي وبعنادي في الإستمرار على الطبيعي .


والحين الحمدلله كل شي واضح لي وتعلمت من اخطائي وراح يوضح لك انتي كمان مع التجربه .. مهما قرأتي وسمعتي اذا جربتي وطبقتي راح تفهمي الوضع ولاتخافي هذي غريزة طبيعية لك ولطفلك ان شاء الله .


ولسى باقي نقاط ماذكرتها اذا كنتي مهتمه بتخزين الحليب ,, ونقاط بخصوص الصدر الثاني وانتي ترضعي .. حاليا الافضل تجربي بنفسك واذا حبيتي تستفسري حنا بالخدمه . :D


موفقه .

ماشاءالله الاخت ضوء حلم كفت ووفت
بصراحة ما كنت فاهمه عليكي منيح واول مرة اعرف انه ازا بترضعي طبيعي بتحتاجي تشفطي الحليب
انا ببكري كنت اشفط الحليب كل ما احس صدري متحجر لاني ما رضعت بنتي مني بس كنت اشفط وكنت اعرف امتى موعد رضاعتها وقبلها بشوي اشفط وارضعها اما حملي الثاني فرضعت ابني من صدري وما احتجت اشفط نهائي يعني ياخد كفايته مني وخلص لموعد الرضعه اللي بعدها وتكون من الجهة الثانية مومن نفس الصدر كل مرة
ان شالله تتيسر امورك ومتل ما قالت الاخت ضوء انت فطرتك راح تلهمك شو تعملي مع البيبي توكلي على الله

ماشاءالله عليك ضوء حلم كلاامك جمييل ومفيد ربي يسعدك مره كلامك فادني وشجعني ..
ماقصرتي حبيبتتي 👍😘

مشكوره زهره فنلندا ان شاءالله انا بعد ارضعه طبيعي وماحتاج اشفط باستمرار

ماشا الله اختي ضوء حلم والله استفدت كثير الله يكتب اجرك
ومشكوره اختنا سيمو على الموضوع الي جذبنا
استودعتكم الله