فكره حلوه ومع الوقت حطي بازار فيه منها تساعدين البنات الموهوبات المحتاجات ومنها تستفيدين ماديآ
بالنسبه للرفض ليش الرفض في مملكه المرأه من قبل وفي كوفي في خريص وكلها نسائيه مسكره
انتي بس حطيه جوا مجمع ولا مكان امن وتجاري مثلا جنب مشغل الناس تدخل تضبط وتطلعلك تقهوى ههههههه

أي نسيت حلو لو تكون فكرته شعبي لان ملينا من الكوفيهات المتوفره
يعني جلسات شعبيه والقهوه عربيه وفي امريكيه وكابتشينو مايمنع والحلا شعبي وعادي الجدران شعبيه لوحات شعبيه يعني بشكل عام الديكور شعبي بحت وفي جلسات تكون بخيمه صغيره للي يبي يجلس بمكان مسكر لخصوصيه اكثر

بتوفيق اختي مشروع جميل مشَاءٓ ‏​آلَِلَِـِّ?ْ
ماانصحك بجنوب الرياض
صحيح فيه كثافه سكانيه
بس كثير منهم مايروحون هالاماكن وترفضها + سكان شرق وشمال وحتى غرب مايجونه
عكس لو كان بشمال الرياض تلقين من كل احياء الرياض تتعنى له
ولو تلاحظين حتى اسواق جنوب الرياض ماعليها اقبال لان سكان الجنوب اغلبهم يروحون للاسواق في الاحياء الثانيه


استخيري
واذا بتفتحينه خليه بمكان راقي وانيق ومكان سهل الوصول له

ولسوف يعطيك ربك فترضى
اقتباس مشاركة  (beautiful girls)
ماانصحك بجنوب الرياض
صحيح فيه كثافه سكانيه
بس كثير منهم مايروحون هالاماكن وترفضها + سكان شرق وشمال وحتى غرب مايجونه
عكس لو كان بشمال الرياض تلقين من كل احياء الرياض تتعنى له
ولو تلاحظين حتى اسواق جنوب الرياض ماعليها اقبال لان سكان الجنوب اغلبهم يروحون للاسواق في الاحياء الثانيه


استخيري
واذا بتفتحينه خليه بمكان راقي وانيق ومكان سهل الوصول له

بالعكس الان الانظار متجهه لجنوب الرياض بسبب الكثافه السكانيه ع قولتك
هذا مستشفى دله جاب فرعه الجنوب وغيره وغيره
بالعكس الان اعتقد الشمال مكتفي
وجهة نظر


🌸🌸🌸


الساعة الآن 06:14 .