بنتي ضاعت بالكورنيش؟؟؟؟

بسم الله الرحمن الرحيم...

السلام عليكم ورحمة الله وبركاته....

أما بعد......

يوم الاربعاء22شوال...طلعت أنا وعيالي وزوجي على كورنيش الخبر الواجهه البحريه..
..وعزمت صديقتي الغاليه ندووووووووو.... :27: على شاورما الي شهتنا عليها...هي مع زوجها المصون وبنوتتها ريوف..
وفرشنا فرشتنا وجلسنا على الحشيش الاخضر ..وكان الجو يأخذ العقل..هواء بارد...ووساعة صدر وسوالف..والعيال يلعبون حولنا...
تعشين الشاورما اللذيذه...وعزمتنا الاخت ندووووووووو على كيس الشكولاتات الخطير..عشقي الاول والاخير..وتخانقنا على السوالف..لان من زمان ماشفنا بعض..
جلسنا على الكورنيش ساعه ولانشغال زوجي قرر ان حنا نرجع البيت بدري...
حملنا اغراضنا الفرش والشاي والقهوه,,,,,وركبنا السياره..شفت عيالي الكبار..بس الصغيره موموجوده..دورتها حول السياره..عند الخدامه موموجوده..
وسألت زوجي وين.............بنتي الصغيره عمرها سنه ونصف..
قال :ماأدري هي مو معكم؟؟؟ :16:
وسألت الخدامه وين........؟؟
قالت :أنا مافي شوف..يمكن مع مستر...!!!!! :(
ونزلت من السياره ركض على المكان الي كنا جالسين فيه ادورها..ومالها اثر..
ووين راح القاها مع زحمة الكورنيش....لاوعمرها صغير يعني ما تفهم شيء !!ما تعرف تقول انا بنت فلان ..ولا باب شكله كذا ولا سيارتنا كذا..... :icon33:
بس الحمد لله ايماني كبير بربي وما كنت خايفه مره..وكنت عارفه اني 100%راح القاها!!!
تعرفون ليه؟؟؟؟؟













لاني كنت قبلها بكم يوم متصدقه....



والله دفع عني البلاء...والله ما تصدقون ..كيف كنت حاسه نفسي قويه وماهزني خوف..لان الله معي....




فأكثروا أخواتي من الصدقات ..والله انها تقوي نفس المؤمن وتحسسه بقربه من خالقه وان خالقه لن يخيب له أمل,,
اتمنى كل وحده تقراء قصتي الخفيفه اللطيفه أنها ما تتأخر بأخراج الصدقه..
وتعرفون وين لقيتها !!!لقيتها واقفه عند عايله كانوا جلسين قريب منا..ومعها بالونتها وتنادي بصوت حزين :.بابا....بابا....
حملتها بقوه وانا قلبي طاير من الفرحه ان ربي ما خيب لي ظن...
والله أني طول الليل ابوس فيها وأقول: الحمدلله الذي لايحمد على مكروه سواه,,,الحمدلله اني عرفت قرب ربي لي ,,,
وأسال الله لي ولكم السعاده في ديننا الاسلامي وقوة الايمان بالقضاء والقدر..