سويت ليله رومانسيه شوفو ردة فعل زوجي

السلام عليكم ورحمة الله


بسافر بكرا لاهلي وبطول عندهم .. وانا وزوجي من زمان ماجلسنا سوا قررنا اليوم نسهر مع بعض وننبسط
قال المغرب بيروح المباراه قلت لا ماتروح نبي نسهر .. بعدين فكرت اتزين له واخذ راحتي قلت خلاص روح العب كوره ..
وفعلا راح .. اخذتها فرصه
رتبت البيت وكنست ومسحته كان غبااار بعد اليوم قلت اكيد بيجيب اصحابه اذا رحت ونظفت كل مكان
وغيرت فرش السرير وعطرته وبخرت البيت ونظفت المطبخ والحمامات
وغسلت الغسيل لانه كثييير قلت افتك منه قبل اروح
وصرت بسرررعه اسوي كل شي قبل لايجي .. و بعد مانظفت كل شي تروشت و استشورت شوشتي لان هي لحالها يبي لها ساعه
وحطيت ميك اب وتعطرت ولبست قميص النوم القصير لان من زمااان مالبسته اكثر من شهر
وشغلت شموع بالبيت وشغلت لمبات خفيفه .. وكلمته اسوي اني نايمه قلت جيب عشا معاك واذا جيت صحيني .. سويت كذا عشان اذا دخل يتفاجأ بكل اللي سويته
وفعلا جا ودخل البيت وهو يكلم ومعاه العشا
وشافني وابتسم سكر قال وش هالحركات انبسطت .. بعدين قال تدرين بايرن ميورخ هزم مدري مين .. انا مافهم بالكوره اصلا وجاي لغرفة النوم مستعععجل للتلفزيون يتابع المباراه وقال جيبي العشا هنا ولا اهتم بالصاله اللي زينتها .. انقهرت قلت طيب وجهزت العشا بغرفة النوم ع الارض و جلست اكل و هو مايشيل عينه من التلفزيون لدرجة ما اكل شي .. و على جواله يكلم و في الواتس وانا مثل الجداااار ما كأن في انسانه جنبه ولا كلمني ولا بنص حرف ولا مهتم لوجودي .. اكلت وقمت .. سكرت الشموع اللي بالصاله و رحت المطبخ ابكي و هو جالس الغرفه بعرقه ولبس الكوره .. حسيت اني اهتم بإنسان مو معبرني لبست بجامتي وفتحت شنطة السفر ورتبت ملابسي وهو ولا يلتفت طايره عيونه بالتلفزيون ..
هذي اول مره اسوي ليله رومانسيه وانكسر خاطري مررره .. و ظهري انكسر 4 ساعات انظف
الرجال مايبين بعينهم شي انانيين مره
ايش رايكم ..
بس حبيت افضفض تعرفون صعب اعلم احد ..


لا اله الا انت سبحانك اني كنت من الظالمين ...