السلام عليكم انا متزوجه و ما اعرف اطبخ ابغى اعرف ايش الطبخه اللي تنفع للمبتدئات و تتوقعون اضبطها جزاكم الله خير لا تطنشوني
سوي اي شي يتعلق بالتوست
سهل وناجح
لا إله إلا انت سبحانك إني كنت من الظالمين
الباستا سهله
بالصلصه او بالشاميل
وممكن بالفطر والجبنه السائله والقشطه لذيذه
شفي أختي هذي طريقة كباب مره سهله قبل شوي كتبتها لوحده تبي آكلات نفس موضوعك جربيها
راح تنفع معك...


عندي لك طريقه بالكباب بإذن الله تضبط معك وتعجب زوجك انا دائم اسويها وتعجب الكل..
المقادير :
كيس دجاج مفروم + بصل مقطع صغار جدا+ فص ثوم مهروس( اختياري ) + قليل من الكزبره
الناشفة + بيضه + واحده خبز صامولي مبشوره + مجموعة بهارات ( نوعي) + ملح

ألطريقه:
أعجني المقادير كلها مع بعض بيدك وخليها شوي ..
بعدين كوريها كور صغار ورصيها بصحن ودخليها الفريزر ل١٠دقايق
وحمي الزيت عشان تقليها ووقت القلي حطي فحمه على النار لانه بمجرد نخلص القلي
راح نستخدمها..
الحين خلاص طلعتي الكباب من الفريزر وقليتيه حطيه بصحن عميق وحطي بوسطه قصدير
على شكل فنجان وحطي فيه زيت وشيلي الفحمه بملقاط وعلى داخل الزيت على الطول
وتغطي الصحن بغطاء او قصدير ..
راح تشمي الريحة على طول خليه بس دقائق وارفعي الغطاء وبس انتهينا من الكباب على
شكل كرات تقدري تقدميه كذا او ترصيه بأعواد الشواء وقدميه مع اي سلطه تحبيها
وأصابع بطاطس مقليه وبالهنا والعافية ...

صينيه التوست
طبقه توست بعدين حطي الحشوه اللي تحبيهها دجاج او تونه طبعا تكوني مجهزتها بهار وطماطم وطبقه توست واعملي خلطه سريعه قشطه جبن سائل مايونيز وعالفرن تتحمر من فوق
وعوافي عليكم


الساعة الآن 01:58 .