بنات احد عنده كتاب سفرة اناهيد وهل يشجع على الشراء؟
24-10-1426 هـ, 12:43 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اول مره اسمع بهذا الكتاب
لكن افضل كتاب جربته وكل الطرق اللي فيه مضبوطه هو كتاب نخبة الاطباق لأم عبدالعزيز وتراها تكتب هنا في المنتدى باسم السفيره ممكن تطلبينه منها عن طريق المنتدى لانها ما تبيعه في المكتبات ..
24-10-1426 هـ, 08:03 صباحاً
 
انا عندي وما اجشع اببببببدا على شرائه معقد ومو حلو ابدا
اشتري الكتيبات الصغار انا اموت فيهم زي المطاحن وطيبات الرزق وهذه يعني

صدقيني احلا بكثير
وللكيك اشتري الكتب الاجنبية تلاقيها 100% مزبوطة
24-10-1426 هـ, 08:41 صباحاً
 
والله روعه هذا الكتاب (سفرة أناهيد الشهية) والصراحة موسوعه فالطبخ منو قال إنه مو حلو أبدا؟؟ لا تحكمون عليه دون ما تجربون.أنا مدينة للكاتبه إني تعلمت منها الكثير بدل الكتب الزباله عزكم الله إللي إشتريتها رميتها لأنها ما تنفع أبدا وإسمحولي لأني بطول شوي في الشرح لأنه يستحق... تدرين إنه من أكثر الكتب مبيعا و شهره في الدول العربيه؟ أنا مالقيته إلا بعد ما دورت وكله يقولولي مخلص.. وحتى هي الكاتبه تكتب في مجلة( لها) الطبخات...ومره إستضافوها في قناة المستقبل وإتصلو كثير يشكرون فيها وجميعهم مبتدئات في الطبخ..أنا ألحين بشتري الجزء الثاني ..والله إني جربته ومعاي صديقتي في الدوام هي نصحتني فيه..وأيضا المعلمات في مدرسة أختي أيضا جربوه وضبطت جميع الوصفات ويمدحونه..حتى أفضل من كتاب الشيف رمزي لأن مقاديره خاطئة أي كلام..بس هذا مقاديره مضبوطه جدا..أنا أول مره في حياتي ظبطت معاي كيكة كانت من كتابها..لا من المنتدى ولا من أي مكان ثاني كله كان يفشل عندي لأن هاي الكاتبه شيف وكانت تشتغل طباخه في امريكا دارسه..وجربت كيكة البرتقال وكانت لذيذه جدا وخلصت وكانت حلوة وإنتفخت عندي أول مره تنجح عندي كيكة (بس إنتي إلتزمي بكوب القياس بالضبط والطريقه تطبقينها بالتفصيل مثل ما مكتوبه) حتى صديقتي في الدوام خلطت الكيكه بإيدها ما كان عندها خلاط ورغم هذا إنتفخت ونجحت الكيكة..وجربت عندها كيكة التمر وكيكة الأناناس وكيك التفاح السهل وكيكة السفن أب والترايفل والكريب وحلاوة السميد والرز باللبن وكيكة التراميسو..ومحشي الطماط بالسلطة وجبنة الفته..والكب كيك المافن وشراب التمر الهندي وشراب قمر الدين..وبعدين فيه صور حلوة وملونه لكل طبخة وطريقة تنظيف الدجاج واللحم والأكلات البحريه والسمك بالصور خطوة خطوة..وفيه قسم المخبوزات والمعجنات الفرنسيه وقسم المعكرونات وقسم الصلصات وقسم الكبه والشوربات والمقبلات والحلويات الشرقيه والحلويات الغربيه والمشروبات المختلفه والأكلات طبعا الكبيره..وجنب كل أكله حاطه من أي بلد إذا لبناني أو سوري أو خليجي أو يوناني أو فرنسي أو مغربي أو عراقي. وفي صفحة خاصه للتعليمات والسعرات الحراريه لأنواع الفاكهه والطعام. وصفحة لطرق تجليد الطعام وطرق حفظ الطعام وتجميده,,.أنا أقولج إني أعرف وايد ناس مجربينه ونجح معاهم..وأنا تعلمت وتشجعت إني أطبخ من كتابها..وما شتفه معقد أبدا كل شي مشروح..يعني هو للناس الذويقه (يعني ما يصلح للناس إللي يريدون فقط أكلات خليجية ) وبعدين كتاب كبير جداملون وبالصور وب 100 درهم فقط يعني رخيص وما بتخسرين شي.
24-10-1426 هـ, 10:46 مساءً
 
انا عندي الكتاب وهو روعة خصوصا في الكيكات

وشريته من جرير وعليه تخفيظ ب90 اعتقد
25-10-1426 هـ, 01:44 صباحاً
 


الساعة الآن 05:53 .